人地話BB大得好快, 我信架!! 每隔一個月, 你就快現BB已經識好多野~ 悠悠B好快就已經識得自拍…望到相機鏡頭都會笑~所以, 作為一個媽媽, 我每一刻都好想留住, 除左影相, 我都會選擇不停拍片~時間流走…想捉都捉唔住… 而最近, 邁向半歲大嘅悠悠B, 上星期尾開始識得不停玩軟骨功~亦開始識攬住自己對豬腳仔~ 點知不出數天, 仲識得食腳趾~~其實…我期待佢食腳趾都期待左好耐~係咪有DD變態? 似乎係, 嫌10隻手指都唔夠好味~話要食埋腳趾咁話~~ 佢又舔又啜, 真係啜啜聲架~~不過, 食腳趾呢個階段都係好正常嘅~所以媽媽們根本唔需要太擔心~最重要係, 保持佢雙腳乾淨咁就可以啦~~ 見到佢食腳趾食得咁過癮~我都好想食埋一份呀~~阿女, 俾隻腳趾尾阿媽”損”住先得唔得呀? 我的Facebook專頁: 80's Mami