香港山頂一日遊 之 大富翁夢想世界主題館

大富翁一直陪伴大家,無論你幾多歲都一定會玩過大富翁這遊戲
全球首個主題館會於10月26日在山頂開幕,有幸能夠率先入場, 等我帶大家入去睇下有咩玩啦~
其實係由入門口開始已經好多打卡位!
首先係見到自助買票機2部,看似操作簡單,見到可以用八達通買票都幾方便。
成人門票HKD260 及 小童/長者門票HKD220

等入場既時候行吓禮品部先,有好多版本既大富翁呀~有2個版本出面冇得買架,第一個係復仇者聯盟,第二個係玻璃版,但我見到權力遊戲果個版好有型呀~

入場後第一個場景係扮搭升降機
一出升降機就會見到大富翁先生既辦公室,牆上面會掛住佢工作既相,有3D場景好得意,聽聞佢係做汽車維修員起家既。
而佢張辦公桌上放左一副超有型大富翁, 好想擁有。
出口處會見到佢隻寵物狗狗既相,可愛。 

呢間房放左世界各地唔同版本既大富翁,有最舊款既,有日文版既,真係大開眼界
中間位置放有一張枱,投射左大富翁既畫面,吸引左唔少小朋友來呢度睇吓, 模吓。

仲有大富翁先生既衣櫃
然後隔離間房就係放左佢架金色車
有員工會幫你影相,如果鍾意張相,可以於出口處買返張相架

穿過一個黑暗霓虹燈場景,
會係入去4D館睇一段片,
有風有水架~
睇完出來就去對面玩個遊戲先,入個房到執錢,執到幾多就比你帶走,亦可以去門口小食部或禮物部當錢用。
睇落好易執,但係其實好難架, 不過好好玩呀~

水務局遊戲
幫手扭開水喉,如太多水湧出就要關細水喉,呢個game係冇輸贏,冇分數,純粹遊戲。

到下一個場景,就係夢想地產,可以整一張屬於自己既地契,值得留念。

再下一個場景係大富翁遊戲必入既監獄,有晒道具比大家影相。仲有個小遊戲比大家玩吓,呢個有分數架,可以挑戰吓。

另一個影相場景係在大富翁先生的金庫入面,可以隨便攞起d金磚影相,都係會有工作人員幫你影, 覺得靚可以去出口位置買返張相。

最後去到抽獎環節,獎品會有小食啦,仲有抽大獎機會,開夾萬,開中有電話或者金擺設,祝你好運~

玩完出來, 仲有紀念品店行,有朱古力,蝴蝶酥,餅乾,閃片攬枕,Tee, 匙扣等等

玩左2個鐘係時候醫肚喇,呢度有間小食店,頭先執到既錢仲可以對沖一下,當然不是一對一啦~
呢度d飲品食品唔止全部包裝精美,仲堅好食,必食粟米味爆谷,我地買左3杯,然後2個包都好唔錯,一個係麻辣味,一個肉醬味,2個都好惦呀, 玩完記得來食呀~

This entry was posted in 主題樂園, 展覽, 活動, 消閒 and tagged , , , , , , . Bookmark the permalink.