有好多朋友問我去西藏系咪住宿好差,好恐怖甘,我就一次過答大家啦。 其實我地今次住既酒店好正,系我地自己揀既:D 只可以話Taste好XDD 今次我地入住既系全球海拔最高既酒店St. Regis Lhasa Resort (拉薩瑞吉渡假酒店) 位於海拔3600米, 號稱系離天空最近既酒店 St. Regis Lhasa, 同時配有高檔中餐廳、藏餐廳、茶室、紅酒屋及SPA水療中心、健身中心等, 步行到旅遊區八廓街、布達拉宮都是15分鐘。 點擊圖片放大 一入lobby就見到大池塘,好舒服。遠遠仲可以睇到西藏地標布達拉宮添!如果你地將來有機會入住,一定要記得夜晚上酒吧,唔系叫你地飲酒,系因為酒吧系高層位置,大露台可以直接望到又影到布達拉宮,個feel超正!千其唔好錯過!! 點擊圖片放大 +2 lobby放了不少裝飾品,西藏不竟是宗教色彩濃厚地方,我個人覺得每件裝飾品都很有趣,看到當地濃厚文化。 點擊圖片放大 +2 大堂側有一個 reading lounge,放了些有關西藏書本和相册,有時間或者第一天到埗,需要時間去適應高海拔,可以坐低靜靜地睇下書。 房間好有空間感,床亦非常舒服,因為海拔高,空氣好稀薄,所以如果連覺都瞓得唔好,整個行程就慘啦:( 點擊圖片放大 +3 St Regis 有齊所需的,洗頭水、護髮素、潤膚膏、牙膏牙刷、拖鞋、咖啡包茶包飲用水等等等等。因為太乾燥,我記得每天都額外要多2支水和潤膚膏! 亮點:房間內有供應"救命氧氣瓶",酒店比藥房貴¥20啊!! 點擊圖片放大 +2 整體感覺非常舒適,早餐又多元化,食飽飽,裝番少少暖水先出去,就系最理想啦。 我不太肯定當時一晚住宿費系幾多,因為我地系包團一個費用,但我上網望過,大概系港幣一千左右一晚。 希望大家喜歡我地既分享啦! xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx Like our Facebook Page:https://www.facebook.com/loveatgirlsss/ Instagram:loveatgirlsss