>>>上集回顧:[千奇百趣]懲罰遊戲系列:茶包 (臭味篇)<<< 繼上一次試完[臭茶]發現冇料到,諗住反正得個名,趁gathering 飲埋[苦茶]同[辣茶]啦,應該冇事ge,應該........ 對唔住,我錯喇orz 我唔應該睇小日本人ge創意同膽量! 千真萬確真係懲罰遊戲專用! 玩遊戲前,我地先圍圈輪流飲一啖。飲完唔準做任何表情,要扮到好似飲水咁。 大家都好期待想知到底會係咩味,同時又好擔心,因為睇唔到人地反應,所以做唔到相應ge心理準備。 辣茶茶包入面可以見到紅橙色ge粒粒 沖出尼同一般綠茶一樣色 聞落都係冇乜野 好易入口,但係慢慢辣出尼..... 辣到想噴火,但係要死忍lol 完左仲要唔俾飲水>< 苦茶茶包入面就係白色粒粒 一樣係聞唔出睇唔出 入口即刻覺苦,仲慘過廿四味......條脷有少少麻痺ge感覺 我地將2包放埋一齊沖==>[苦+辣]茶GET! 飲落先係苦味,吞完之後過幾秒慢慢feel到喉嚨熱,媽!!!!!好辣呀!!!!!!! 一杯[苦+辣]茶已經夠我地玩左幾盤lol 太難飲我地每次輸都只係飲幾啖就夠,已經係超級大懲罰!!! (可以見到我已經要飲菊花茶沖淡陣味) 最後,開埋包臭茶 一班已經玩到失去味覺ge傻仔,反正中晒大伏,一於玩盡佢! 3包一齊上! @@ 小朋友真係唔好學 真係好難飲QAQ 多得呢3個茶包,個個都勁驚接受懲罰,於是大家玩遊戲都非常非常投入hahaha 強烈建議去日本ge朋友買返尼玩下~~