12月去日本ge時候,係激安之殿堂買左幾款茶包。 果度有一個架全部都係[[懲罰遊戲系列]],有茶包、藥丸等等,今次就試左茶包。 點擊圖片放大 睇youtuber挑戰好似都真係幾難頂的@@ 【罰ゲーム茶シリーズ】どぶ茶に挑戦!BY 宮川大好 聖誕PARTY的時候拎左去試,想話罰個遲大到ge朋友。 沖左包[臭]どぶ茶,綠色好似綠茶咁,聞落都冇乜味。 露依絲有嘗試拍片架.....想捕捉朋友臭到噴茶ge一刻...... 點知 佢勁.平.靜....................... 嚇親果個係我lo!!!!!!!!!!!!!!點解佢咁淡定,識左咁耐都唔知佢演技咁好lol 然後我地一人一啖試過,係普通ge綠茶味,我就飲到少少苦瓜味。 總之唔臭啦= =" 朋友仲話幾好飲,一口氣飲晒都面不改容... 可能係香港人唔覺得臭?始終飲食文化唔同。 點都好啦 臭味茶:FAIL 其他果d擇日再試。 --------------------------------- 2016/6/1 續集已出:[千奇百趣]懲罰遊戲系列:茶包 (苦味篇+辣味篇) ---------------------------------