露依絲除左個人膠,仲有舖「膠」癮。 所謂GE「膠」,就係睇得又用得ge膠紙&貼紙~ 今次去大阪都買左一堆,其實唔只下圖咁少架.....不過有D割愛送左俾朋友做手信T^T 你以為藥妝先會回購?傻啦~貼紙都會架~~~ 右邊張ALICE IN WONDERLAND就係例子>3< 以前係格仔舖買好似$10一張(唔記得係咪買多幾張8折)總之係日本買108yen就平左少少啦~ 一向都好中意ALICE, 但就唔係好中意DISNEY的畫風,比較中意呢種Q版^^ 所以今次一見到就忍唔住買多左張~仲俾我買埋灰姑娘系列~ 其實女漢子唔係咁中意灰姑娘ge故事,靠美貌嫁俾一個見左一次ge咸濕佬....咳咳咳 咁王子個packaging係好好ge.........((離題了 反正就是畫風很對口味所以就買了不行啊吼???>///< 上面2個係乜東東?ロールタイプのふせん紙--就是卷裝post-it 普通ge紙質面,鉛筆原子筆都寫到,全張都有痴力,唔會有一半飛起 300yen/2 D玻璃樽貼紙係透明ge,可以自由配搭"樽"入面ge野,貼紙又得,畫公仔又得~~ 1 pack都只係100yen!! 呢個超得意呀!!乍見係普通ge膠帶,其實認真睇佢中間有2條虛線,貼好之後中間一間可以撕開,會有"happy!"字樣架~~ 方便貼係信封/禮物包裝ge開口,因為中間有字呢間野冇痴力,沿住佢撕開就唔怕整爛d包裝紙! P.S. 係日本第一次見, 好興奮咁買左,後來係荃灣間R.O.U.發現有得賣!!!(當然貴過日本買啦~奸笑)