日本福袋自己搶!唔駛再等代購網覆email!(附教學)

日本的商店每逢年尾都會推出福袋,說穿了其實是把季尾倉底貨品隨機PACK好再用福袋模式一口氣賣晒出去。

管他季尾還是倉底,有些品牌的產品是冇[[out]]呢個概念的呀~

就好似earth music & ecology咁,簡樸設計,對我尼講件件都咁易襯~(當然本身要係咁ge style)

10800yen可以買到9-10件衫!!!圍返都唔駛hkd700~~~計埋運返香港900幾啦, 諗下香港earth music門市賣咩價錢就覺得抵到爛

繼2014年我第一次搶左姊妹品牌Green Parks 福袋後,今年我又再敗家了(((興奮

本來想搵代購網訂,但係睇住日本果邊愈尼愈少貨,仲係收唔到代購果邊ge email@@

反正價錢差唔多,等得佢尼仲要去入數,再等佢confirm筆錢到手…………..嗚哇好煩!!!搞得尼都賣晒啦><

心急之下,習慣凡事靠自己ge女漢子都係決定自己落手訂!(訂完過左半個鐘就收到代購果邊同我講冇貨了,女漢子完勝!)

 

日本網購教學:

如果購物網有得直運香港就梗係最好啦,最衰好大部份都冇T^T

咁就要轉運公司,先寄去佢地日本地址,再幫你寄返香港,會收返一定ge手續費。有d野真係得日本有,或者係計埋運費都平過香港買,就值得用轉運。

身邊好多中意日牌ge朋友都話聽落好似好難咁,又驚自己唔識睇日文。其實試過一次就識架啦,(洗錢)真係好簡單,希望以下教學幫到大家~

———————————————————

第一步:在轉運公司註冊會員

轉運網站Tenso.com

Tenso.com本來就係crosscollection合作公司, 網店有鼓勵海外顧客使用佢地服務, 但當然唔一定都用佢啦

露依絲有google過其他轉運公司, 睇埋fb comment, 做過功課後覺得呢間好似比較可靠。

有d其他公司俾網民批評”呃稱”, 拖貨拖到離譜, 客服唔掂…..但tenso算係少人鬧(好似係)

利申:試左第一次我就冇再換其他公司,比較唔到,只能說這間真的效率高,夠detail又唔難用,我用左超過5次暫時都冇出過問題。

***注意:每間公司都會要求住址認證,要submit住址證明+真名+生日日期先俾用架!!  第一次寄一定要寄去你交ge地址,第二次開始可以改。

完成註冊後就可以得到公司提供ge代收貨倉地址+會員編號,仲有貨倉ge本地聯絡電話。

———————————————————-

第二步:購物網站買野

1. 購物車

出現紅色框框係提醒你揀左ge商品係[先行予約]品,等待出貨期間有咩變數會以電郵通知。

框下面果句就係因為福袋只可以買一個,叫你係數量果度轉返做[1]。(其實分開幾次落單就可以)

cart

2. [お届け先]就是郵寄地址,照轉運公司提供的資料輸入就可以了,最後記得把會員號碼寫上,讓轉運公司能認出你的貨品。

info

3. 支付方法

入完信用卡資料記得揀返分期付款果part!!露依絲成日漏左,系統會唔俾落下一步。

payment

4. 填好晒就可以禁右邊紅色制,確認訂單。

5. 好快(幾乎即時)就會收到接受訂單ge email,之後就等佢出貨去轉運公司。

——————————————————–

第三步:轉運返香港

1. tenso貨倉收到貨後,[海外配送服務]會顯示(1),亦會即時收到email通知

tenso2

 

2. 按入去會見到貨物列表, 如果訂左幾批貨就會分開顯示

tenso3

3. 按[詳情]就會睇到同一箱貨入面有ge野, tenso會開箱睇單+點數但唔會破壞貨品本身包裝

4. 由於今次得一箱,唔駛做集中包裝,所以數齊貨就可以禁紅色制==>[選擇運送方式]

tenso4

5. 基本上手續費都一樣, 視乎你想幾時收到+想揀平d定安心d

EMS, AIR都有得trace郵件路線, 同埋一個禮拜左右一定收到, 貴d但我通常都會揀呢2種

tenso5

 

6. [前往付款頁面]俾錢就完成~

un un腳等收貨>3<

This entry was posted in 日本, 衣著穿搭 and tagged , , , , , . Bookmark the permalink.