自從出街食過川菜 — 酸菜魚之後,就愛上花椒嘅香味,湯底酸酸麻麻嘅口感,每逢冬季,就會出街食。但疫情之下,多咗時間喺屋企,咁啱俾我見倒電視節目大廚嘅示範,酸菜魚⋯⋯ 原來係咁整嘅! 材料:咸酸菜 野生椒 辣椒(但怕辣,我以1茶匙嘅潮州辣椒油代替) 花椒油 大豆芽 龍躉魚片 做法: 魚片先用胡椒粉,粟粉(以少量水份攪至杰身)及蛋白醃約15分鐘。 分別爆香大豆芽及切絲嘅咸酸菜頭,備用。 爆香野生椒及辣椒,落約500ml嘅雞湯。加入咸酸菜,再加入大豆芽,夾起。 放入魚片,灼數分鐘,以鹽調味,再灒上花椒油,完成。 學識咗之後,以後就可以調較自己嘅辣度,唔使下下出去食。