聖誕節又到~~一年裡面咁多節日 聖誕節氣氛可以話係最好! 好多人都鐘意寫聖誕咭又或者DIY聖誕小物送比朋友 如果你仲送緊一般街可以買到的聖誕咭, 未免太沉悶吧! 一齊睇下呢個手殘小女孩都可以做到的紙膠帶聖誕咭~ 超有心思, 仲要快靚正呢! 只要前後唔駛10分鐘就可以做到一張個人化聖誕咭喇!! 材料: 咭紙一張 Bande Christmas 限定紙膠帶 顏色筆同書寫筆 (按照你想寫的字體同圖畫而定) 呢個就係Bande Christmas聖誕款套組, 超級心心眼 即刻入手無誤 :P 打開黎係聖誕樹的樹枝貼紙, 有2個唔同的SIZE, 另外一卷係聖誕的裝飾~ 小女孩今次製作2款唔同的聖誕裝飾 第一款係上圖的聖誕樹, 方法非常簡易 就係用手上的貼紙貼出樹的形狀 (講完好似冇講咁XD) 建議由底部中間開始貼起, 向外發展 紙膠帶最大的好處就係就算手殘貼錯左覺得唔夠靚, 唔滿意的話 可以貼完, "蚊"起再貼, 不過"蚊"起之後始終會有少少睱疵 所以小女孩建議先貼少少底部, 覺得位置滿意先再將其餘的部分整張貼落去 (好似上圖咁) 如果有空白的位置唔駛太在意住, 因為之後可以加上裝飾貼紙 貼完之後可以加上自己鐘意的字句~咁就完成喇!! 另外一款係聖誕花圈 先用鉛筆係咭紙上面畫個圓圈做草稿 方便貼出一個圓圓的花圈 <3 然後就跟住鉛筆草稿貼上樹枝圖案 同埋上面一樣, 都可以係底部先貼小小睇下位置 貼完成個花圈之後加上字句同裝飾的貼紙就搞點喇!! 係唔係又快又簡單呢! 建議每張咭都加少少唔同的個人化原素 感覺上係Tailor-made比唔同的朋友仔!