讓一眾哈利波特迷等了好久的怪獸與牠們的產地終於上畫了 謝謝羅琳再次把哈利迷帶到法世界 小女孩都係哈利波特的FANS, 當然急不及待要入戲院睇 如果你未睇, 可以先睇下呢篇文, 知道下background啊! 放心,絕對沒有劇透~~ 1. 故事的地點時間設置不同 怪獸與牠們的產地設置點係<哈利波特>的之前, 1920年代, 而哈利係1980出身的80後, 整整相隔左50年, 所以個故事同哈利波特其實係宜接冇咩關係的, 而且連佛地魔都未出呢! 當然作者羅琳埋下左一d 將2個故事連結的伏線, 之於係咩, 大家可以係睇戲的時候發掘下。除左時間的設置唔同之外, 其實呢個故事的地點發生係美國, 讓觀眾有一種截然不同的感覺, 而且著墨更多成人的魔法世界, 有政治, 有利益考慮, 感覺少了一份簡單, 但多了一點刺激。 2.哈利波特的教科書 怪獸與牠們的產地 (Fantastic Beasts and Where to Find Them) 其實係哈利波特入面的一本教科書, 係一年級生必買的一本書, 本書涵蓋左當時哈利上奇獸飼育學的歷史而且記錄左75種魔法世界的動物。而呢本書正正就係戲裡內的男主角所寫的。所以呢套戲可以話係作者係寫書之前的一些經歷同過程。而其實怪獸與牠們的產地呢本教科書早係2001年已經出版左, 係哈利波特的周邊書藉。望下個封面, 或者你會有多d印象。 3. 魔法世界也有文化差異 點解咁講呢? 因為係戲入面你會睇到英國人同美國人對魔化使用同管制似乎有唔同的標準。係美國社會對魔法的管制更大, 更多規則。又或者都同時代唔同有關係, 兩個國家的人對於麻瓜的態度亦都相當唔同, 例如美國的巫師係唔能夠接受同麻瓜有接觸的, 唔好話結婚啦, 你可以戲裡面體驗更多。怪獸與牠們的產地之所給人一樣煥然一新的感覺, 大概都同呢樣文化的差異不無關係。你羅琳用心的安排之下, 佢地甚至叫麻瓜的名稱都有所不同呢。 4. 一隻又一隻讓人感到好奇的怪獸 睇哈利波特的時候, 或者你都會留意有好多唔同的怪獸 但係怪獸與牠們的產地出現的動物會係更多更古怪 而且係牠們都各自有性格同特點, 你會發現佢都可愛 有D場面更加引來全場大笑 主角的行季箱入面收藏左好多佢拯救左的動物 筆者尤其喜歡戲中刻劃人同動物之間的感情 一路睇一路驚嘆作者的想像力 5. 怪獸與牠們的產地將有5部戲 呢次新戲同之前最唔同的是哈利FANS都不能夠先看書後看戲 以住都係先出書過左一段時間再拍成電影, 書迷會發覺書同的戲的情節有所不同 坦白講, 睇完書再睇戲會有一份失望, 不竟戲本不是羅琳寫的 這次電影的戲本都由羅琳親自操刀, 你會發覺有更多的魔法原素 更加能夠把羅琳筆下的魔法世界呈現出黎, 而羅琳預告會有5集, 之後Johnny depp 飾演係有佛地魔之前的「史上最危險的黑巫師」 今集都有客串啊, 大家留意下佢幾時出現啦!