剛剛美國大選完結 最觸動香港人的不是特朗普而是日元 好多香港人都好鐘意去日本旅行 基本上係FACEBOOK可以KEEP住見到有親朋戚友去日本的相, 而且有一埋人去日本的頻密程度已經超越返鄉下的次數 究竟日本有咩地方咁吸引一眾香港人每年乖乖返鄉下呢? 筆者就自己的喜好簡單歸納左以下點 睇下你中左幾多 1. 購買狂的天堂 話日本係一個啟發人購物潛能的地方一D都唔跨張 對喜歡行街買野的人, 去到日本一定買到破產 日本真係一個你買足7日7夜, 都 仍 然 可 以 買 到 野 的地方!!!! 上至家庭用品, 電器, 廚具碗碟 下至衫褲鞋襪, 文具, 裝飾品, 食物.. 不論男女, 通通都可以讓人買到失心瘋 連平時係香港好冷靜的爸爸同男朋友都會忍唔住買了一大埋 如果遇上減價季節, 情況更加嚴重 !! 日本買野未必係好平, 但係產品質數高一定有保証 除此次外, 日本的商品包裝設計都係超 級 靚, 而且好精緻 好多時往往爭係睇包裝已經叫一眾女士由心裡面尖叫到出黎~~ (真係好靚呀媽咪!!!!) 而令小女孩最為之瘋狂的一埋又一埋的生活居家小物 好多係設計同配飾上都花好多心機, 好精緻好靚, 係香港係一定買不到啊!!!! (一個很好的理由買野) 所以係日本行街絕對係一件好療癒, 會讓心情變好der~~~ 2. 讓快門忙過不停的超美景色 其實這一個才是讓小女孩愛上的原因 日本無論建築, 風景或是普通的一條街道彷彿都另一番味道, 各有特色 呢個或者就係日本成為拍婚照熱門地方的原因之一 隨手舉機就可以拍到滿有風格的文青照, 照片好似真空保存了日本的那一份寧靜 日系照片就是一種吸引力 筆者特別喜歡到近郊地區看風景, 快門真的忙過不停 拍景又拍人, 同一班閨蜜一定可以收獲一大埋美照 3. 各有特色的城市,四季不同的風景 「你又去日本?」 「咩又去呀, 上次係去東京, 今次係去大阪, 唔同架!」 「大阪你前年咪去左囉! 」 「唔同架! 上次去睇紅葉, 今次去睇櫻花呀! 」 「咪一X樣」 去過日本的人就明, 這個是另一個讓人想成日返日本的原因 日本有好多唔同的城市, 各有特色 東京、大阪、京都、名古屋、北海道、鹿兒島、福岡... 你總會搵到佢地有d獨特之處, 動靜皆宜 Shopping, 睇歷史景點, 神社寺廟, 賞櫻賞楓, 浸溫泉, 睇山景河川, 世界文化遺產, 陽光與海灘 仲要每個季節去, 都有唔同!! 有人就話北港道四季去景色都唔同, 四季都靚到不得了 近年來越黎越發掘得多日本的新興景點, 真係去極都唔厭呀!!! 媽呀~~我去日本去到破產喇!! 4. 食唔完to-eat-list 講完shopping講完風景, 又點少得日本的美食呢? 而且香港人一向對食都特別有要求 日本美食真的太多拉麵,壽司,刺身, 鐵板燒, 和牛, 長腳蟹, 小丸子, 天婦羅, 蛋包飯, 鳥冬 (歡迎繼續列舉) 食物款式多之餘, 質數都好高 走在日本街頭仿佛是但入一間餐廳都可以食到好西 就算隨便係便利店買野食, 都會好好食 ß小女孩最愛行便利店呢!! 最最最邪惡的可算是期間限定的食品或者口味!! 又唔知點解日本特別多什麼地區限定, 季節限定, 全部都讓人心癢癢, 一定要試過才心息 日本的商家真係好識捉人心理啊!!!