去韓國仲食咩韓燒呀 , 咩人蔘雞湯呀 個d 你真係太out 食什麼芝士排骨, 海鮮9層塔, 人食你又食, 覺得冇咩新意? 哈哈, 咁不如又試下d新野啦~~ Market O 唔知由幾時開始成為韓國手信 但明明brownie 係英國食物 所以邊個話去韓國手信就是紫菜同人蔘糖 其實去韓國都可以突破一下, 今次帶大家食下西餐~~ 出發! 唔好以為market o 就是吃甜品 或者咁講, 假如你到market o cafe你都只會食甜品 但原來佢仲有一層係食西餐的 其實原本我地主要的目的都係甜品 不過去到竟然裝修!!!!.\/. 倒什麼霉 一場去到又凍冰冰唯有Market o restaurant 都照殺~!!! 可能由於時間都唔早, 餐廳人很少, 可以就是包了場一樣 (冇咩人心裡有一點中伏的感覺) 幾個侍應招呼我們 超有高尚餐廳的感覺 (不過之後我地發覺你其實人地就黎關門) 地方很大很有空間感, 而且裝修好靚 睇一睇MENU 價錢都尚算合理, 同香港食一個西餐差不多 主要有pasta, steak, pizza 同salad 我們人比較多, 所以每款叫了一個, 主菜來之前,侍應先上starter. 應該是主菜包埋, 一個主菜跟一份麵包同一碟類似沙律的 樣子同味道還好, 沒有很突出, 份量很夠 之後很快便有主菜,份量都比想像中足夠有餘 先來一份雞排沙律,雞排是煙燻的, 味道還不錯, 沒有太乾, 但有一點"鞋" 口 個SOURCE好特別, 講唔出係咩, 不過甜甜的, 帶少少酸, 好開胃 再來的是2個意粉, 是什麼意粉我麵忘記了,賣相都好吸引, 而且一點也沒有令我失望 首先汁超多超濃, 沒有偷工減料 一個是芝士味, 一個是有一點辣的 2個我都好喜歡 pizza估唔到係咁樣 你見佢上面有一埋不知名的菜,加芝士同唔知咩再加醬 但係味道上都幾配合 不過不失的一個 我地豬牛雞各點了一個 呢個係豬排 又係一埋不知名的菜同豆, 最初都唔係咁鍾意, 但係食下食下再加埋佢個SOURCE, 食到停唔到口 直到牛肉出場, 佢即刻失色!!!!!! 重點牛肉出場, 燈燈燈櫈!! 韓國牛肉貴都係大家都知, 而係韓國咁多選擇之下, 你未必會特登我食, 小妹都一樣 所以去左幾次韓國, 我都係第一次見識到韓牛係有幾好食!!! 淨係睇個樣已經嘩嘩聲 食落個個都好食到出唔到聲 真係牛肉有牛肉味 肉質好嫩, 好多肉汁 好新鮮的感覺 淨係食呢個已經值回票價 如果去到一定要試 最後仲有甜品 士多啤梨同士多啤梨中間夾住薄薄的杏仁餅 記憶中味道也很不錯 我地每人另外仲點左杯果汁, 入面有好多水果, 大概有蘋果, 橙, 甘筍, 士多啤梨.......(唔記得左) 一杯少少的, 但係超超超好飲同好開, 水果的味道唔知點解就係配合得好好 另一個必點ITEM 埋單每人200到, 我感覺上超抵的, 環境, 服務同食物都好滿意 起初仲驚又貴又少又唔好食, 走的時侯卻抱著肚子走