係小編我準備出發回鄉之前,梗係要預先放下毒 等大家黎叫我幫你入下貨啦 今次要介紹既係我上一轉係北九州帶番黎既藥妝=) LET’S GO!!! 美顏水 (5XX YEN+稅) 大家係香港都應該見過唔少次架啦 係咩莎莎,卓悅都有賣既 但點解我會係呢到介紹比大家既 因為我都係香港試過買呢個產品 但係效果無我係日本買個支咁勁 同埋係日本買又係平10幾蚊 所以我都會時不時帶佢番香港架 2. 口罩FOLDER 係我SELL口罩比大家之前,推介下呢個裝口罩既FOLDER先 一般小編我都會帶定幾個口罩出去,以防有咩突發事既 但大家都可能試過,用一般既保鮮袋既話每用一排個袋就好易爛 但呢個FOLDER就完全無左呢個問題 先黎睇下入面係咩樣 打開左佢係有左右兩邊唔同設計 左下角有個USED字樣,大家可以將你地用過既或者用緊既口罩放入去 左邊個開口係比較容易放同拎口罩既 而右下角就有個NEW字樣 大家可以將全新既口罩放去右邊,比較無咁易跌出黎架 佢個設計都真係幾貼心架 會經常用口罩既你值得擁有一個美美的口罩套 3. 超立體MASK 30PCS (5XX YEN + 稅) 大家睇過都知,呢個係我回購又回購既口罩 但咩事我又寫佢呢 事源係我諗住買番上次個種啦 但7個就已經300YEN啦 買既時候又比我見到呢個PACKING 30個裝只係500YEN多D 我仲唔即刻買呢款咩 買完試用左就知點解個款會貴D 原來呢一款係偏向紙既質地,但係好挺身好舒服 雖然佢無布個隻咁厚身 但小編我覺得呢隻就算用一整日都係好OK 唔會話同布個種差好遠 自從我用左呢個牌子之後,我就真係無再用成個長方形個種漏風既口罩LU 4. KOSE BIOLISS 洗頭水 + 護髮素 (各3XX YEN + 稅) 今次由於只係睇到廣告想試新野,所以買左份量比較少既補充裝 我買既係比受損好嚴重既頭髮使用既產品 而兩個味都係好香既橙味=) 先介紹下洗頭水 個洗頭水似無矽個種質地,透明既質感 洗既時候起泡量都幾多 洗完既時候係會FEEL到比起一般洗頭水滋潤 如果大家比較怕個頭塌就唔係好建議用佢啦 再黎係佢既護髮素 佢比我既感覺係比一般既護髮素杰身 佢似D GEL既質地 搽左係髮尾等一等再沖水就已經感受到佢滋潤既感覺啦 5. KOSE 唇膏雨衣 (1500YEN + 稅) 點解佢叫雨衣呢,佢其實係唇膏既防水膜 就好似車個D鍍膜咁 係唇膏上面搽一層,不論食野定飲野都唔會甩 咁就避免左尷尬時刻啦 推介佢比大家 6. Vasilisa 香水膏 (1500YEN + 稅) 香水大家就用得多,唔知香水膏大家又有無用過呢 小編我一直都有好嚴重既鼻敏感 所以好少用香水呢D刺激既用品 不過我點解會買佢呢 一、佢唔係噴出黎,咁既話,就唔會咁易刺激到個鼻 二、漿糊筆既設計,唔會話噴左出黎又落唔到落個身到 三、細細支,帶出街都好方便 最重要係咩,就係佢個味好清新,唔會好誇張 上圖既味係JASMINE=) 而一支都可以用到好耐下=) 上面呢個係一般既包裝 而下面個個呢,就係我聖誕前買到既PACKING 呢個係一個GIFT SET,有個靚靚既匙扣送埋比你 呢種香水膏好似係有5個味,5種味道配上5個唔同既包裝 又靚又清新 岩曬ELEGENT既你地 7. ZENOL 鎮痛膏 (1XXX YEN + 稅) 會買佢既原因係本身幫朋友搵緊鎮痛既藥 但一般都係水劑,自己搽既時候好容易會滴左去第2度 超級唔方便 又係呢個漿糊筆既樣吸引左我 自己搽又得,又唔會周圍滴 買左比爸爸試,佢本身都覺得唔係好WORK 點知佢搽完第2日同我講返真係有舒緩左 佢以為好快會用完,點知個藥好長命,仲用緊XD 8. Santen 人工淚液 (1XXX YEN + 稅) 今期小編我主力搵人工淚液自己用 事源係我做左激光矯視,所以隻眼會勁乾 乾到會痛個種 所以要怒滴呢D人工淚液滋潤番 佢呢個好似係有8小支,每一支都係未開封過既 每一支由一開始使用之後,一星期內要全數用完,否則要掉 咁係確保衛生既問題 平價黎講佢個質數都算OK,有滋潤到我既眼 但真係要滴得比較密D 9. ROHT 人工淚(5XX YEN + 稅) 呢個款支數就相對少D,但佢個包裝感覺上好D 因為佢個殼似係一般既眼藥水咁硬膠黎既 而使用期都係開左之後一星期就好用完佢 始終呢D係用眼既野,安全D好=) 今次分享就係咁多啦 大家有問題想問既可以用以下途徑搵我架 Facebook: littlecongi分享地攤 Line: ck6057 Instagram: little_congi / congi_store