近呢一兩年,大家都似乎都開始去發掘日本既新地方玩下 而小編今次呢,就去左鬼太郎既故鄉 – 米子到玩下 提起米子,我相信有去過既大家都唔會對皆生溫泉呢個名陌生 所以今次介紹一間係2019年第1季開幕既溫泉旅館比大家 呢間溫泉叫做游月,集摩登同傅統於一身 其中一個我覺得好有特色既地方就係佢所有既房都係海景房黎 所以不論你住邊一種房型都好,都係會望到個海架 好啦我地係時候黎CHECK個IN先 CHECK IN好之後呢,轉個靚身就可以揀埋自己心水既浴衣先上房 (抱歉,CHECK IN時有D晏,上左房再落黎已經無左,影唔到) 係時候上房睇下啦 一打開門入左玄關就見到和式既部份 如果大家有人要訓地下既話,食完飯之後就會變身成下圖咁 過左油紙門之後就係洋式既部份 好好保護下家人個樣XD 一間房依然係最多可以6人入住 我地再向前移動下,黎到左邊既浴室 浴室仲有一道門直接連接室外的私人風呂 大家會見到風呂上有張紙,係用黎幫D泉水保溫同埋防D蟲蟲跳落去 望番轉頭去番電視隔離 原來有附設左咖啡同小食比大家 係下面個櫃到仲搵到一SET茶具 再行番去和式房個邊 原來收埋左塊全身鏡 而係我左邊既櫃入面,就有齊去大浴場既物品啦 左邊既襪仔同右邊既索袋大家係可以帶走架 最後要比大家睇既就係係玄關旁邊既洗手間啦 係間房轉完一圈之後又係時候落去食入住溫泉旅館最重要既其中一餐 就係晚餐啦 由於旅館係比較摩登,所以食既野都比較FUSHION 先上MENU比識日文既你睇下 首先係前菜三小碟 比較有驚喜既左上方既海膽凍 本身我好怕海膽既腥,不過 佢真心係鮮 再黎刺身 右邊係游月佢地自家製既泡泡醬油 食落去好RICH好得意 唔會話太過咸 跟住係小鉢 仲有個番茄蟹肉凍意粉 再黎就係和牛同飯加麵豉湯 最後當然唔少得就係甜品啦 有蜜瓜同抹茶雪糕 食飽飽休息一陣又係時候去浸個溫泉 上到大浴場個層 未入去之前仲可以睇到個好正既景 而且,浸完之後 大家可以係同一層買牛奶飲 怕太HEAVY既話可以向電梯方向行 會有DETOX水等緊你 浸完溫泉訓番覺好既之後又係食既時候啦 原來呢到既早餐係自助餐黎 一般既西式 日式都有 當然有唔同既飲品啦 但有D比較特別既想介紹番比大家既 第一樣就係下圖呢個蟹肉燒賣 話說鳥取又係一個食蟹既好地方 所以蟹肉係不能不食既野黎 第二樣就係下圖細細兜既野 呢D都係好地道既產物,值得一試架 食完見仲有時間,就放番好行李上車之後係旅館外面行下 原來一行出去就係海灘,但因為入住當晚係落大雨 所以第2朝都幾清涼,無咩人玩水 再望旅館既成個格局 真係好有度假FEEL 文章尾彩蛋: 大家如果入住呢到既話 係CHECKOUT左之後,係前檯既旁邊SET好左相機位 大家可以揀鬼太郎既背心或者佢地既公仔影番張相 旅館會即時沖曬番比你架 提提你: 如果BOOK唔到呢間咁新既游月 不妨考慮下係旁邊既松月 係游月既姊妹館,但就偏和式少少 不過都好好FEEL架 多謝你地睇到呢到呀 下次再分享其他既比大家啦! 以下係酒店既資料: 名稱: 皆生 游月(Kaike Yugetsu) 地址: 〒683-0001 鳥取県米子市皆生温泉3丁目11−1 電話: 0859-31-0080 官方網頁 房價: 一人一晚2萬YEN起(一泊兩食) 多謝大家睇左咁耐我講廢話 想問多D既話歡迎用以下途徑搵我 Email: choitsz_wing@yahoo.com.hk Facebook: littlecongi分享地攤 Line: ck6057 Instagram: little_congi /congi_share