去日本食好西就大家都識架啦 但係我相信唔識日文既你,想訂間出名既餐廳應該都有好多阻礙 有網頁淨係得日文,你睇唔明 有網頁要登記做會員,你又無日本地址,又FAIL 又有網頁淨係可以用電話溝通,你都未去日本,又FAIL 但近來我搵到一個幾好既網頁叫tripla.ai <-可按下先自己體驗 佢係用chatbot黎幫大家訂位既網頁 入到主頁呢,大家就會見到以下呢個版面 我會推介比大家呢個網頁既原因係首先佢係唔洗登記做會員 版面好簡單,清晰易明 另外,佢仲支援5國語言架 按加上角既小地球就可以選擇唔同既語言,咁就唔洗溝通上有出錯啦 而佢支援既5個國家的語言,係包括英文,日文,中文(繁或簡)同埋韓文 所以不論本地人同外國人都可以用呢個網頁係日本本地訂餐廳 好啦,係時候講下點樣用呢個網頁 大家可以先按頁面正中的”按此進入聊天視窗” 之後,下圖右邊個聊天室就會彈出黎比大家輸入相關的字詞 第一步,按下”預訂餐廳” 由於我想放大D聊天室既字比大家,所以接住落黎都係得番聊天室個CAP圖 按下”預訂餐廳”後,系統會先叫你輸入想預約的餐廳名同分店 小編我建議大家盡可能去番餐廳的官網COPY名稱 然後就係輸入官網OR電話號碼 呢兩樣資料就係比電腦去搵下你所需預約的餐廳的資料 再之後就當然係入日期,時間 時間黎講,佢會比你揀定兩個,以防第一個想預約的時間已經滿座 完成後,按”下一步” 接住,就係會問你有幾多人,幾多大人同幾多小朋友 然後就係輸入你既EMAIL ADDRESS同姓名 輸入好之後最後會問你有無特別既要求,如果無,直接輸入”無”就可以了 係完成曬上面所有過程之後,聊天室會好似下圖咁先重覆一次你既BOOKING 如果預約既資料正確的話,就可以按 ”是” 建立預約 同時地,系統會發出第一個電郵比你 重點!!!! 你所收到既第一個EMAIL只係系統CONFIRM你佢會幫你進行預約 但並唔係 已經成。功。預。約! 電郵中亦會提大家你既預約係未成功架 唔好開心得咁快住 拿拿拿,好似我咁咩都唔CHECK就BOOK檯就中伏啦 原來我想BOOK既呢間燒肉係星期日唔開架 所以我5分鐘內已經收到佢地個REPLY EMAIL話已經CANCEL左BOOKING 係EMAIL入面,佢地會有條LINK轉番你去聊天室 佢會話番比你知預約失敗既原因,同埋有無咩其他方法幫到你 如是者,我再試下BOOK第2間 再次重覆番上面既步驟入番D資料比系統幫你預約 之後又到左等電郵覆既時候 等左一兩日之後,終於再次收到tripla.ai既電郵 今次終於成功啦!!!好野 要提番大家既就係如果未能係預定既時間去餐廳的情況下 記得,記得,記得一定要CANCEL個BOOKING佢呀 仲有一樣要提提大家既就係可能會等好耐都唔見佢覆番個EMAIL黎 咁有可能係tripla.ai佢地同餐廳聯繫唔到,所以幫唔到你做BOOKING 所以等到預約個日都無回迫既話,個BOOKING就會自動消架啦 總括黎講,對於新手自遊行去日本想BOOK檯食番餐好既話 呢個網頁係一個幾好既平台黎 快D CLICK 呢到去試下啦 多謝大家睇左咁耐我講廢話 想問多D既話歡迎用以下途徑搵我 Email: choitsz_wing@yahoo.com.hk Facebook: littlecongi分享地攤 Line: ck6057 Instagram: little_congi /congi_share