我又對唔住大家 呢個系列打左半年都未打得完=( 今次繼續大分之旅 如果大家有去過九州既話都知佢地既蠔同海鮮係好出名 但好食又新鮮既海鮮可以係邊到搵到呢 大家去開大分既話不妨去以下我推介既以下呢間 – 魚市魚座 門口大約有10-20個車位,揸車黎就比較方便 入到去首先會見到個小小既賣場 所賣既都係當地既農作物,買野當然留番食完先慢慢行啦 再行入去,就會見到一大堆海鮮等緊你 如果大家好眼力既就會見到後面個牌寫住有殼既蠔1KG只係1296YEN 1KG既量大概有下圖咁多 都有7-8隻架 都真係幾多下架 快D行入去,搵個位坐低先 店家係檯既附近都會有下圖既膠箱 佢個作用就係防止大家燒海鮮個陣既炭碎彈左落袋同衫到 事不宜遲,即刻坐低睇下MENU有咩食先 黎到呢到,大家可以問職員拎本中文既MENU睇下 MENU一開始會介紹下唔同既海鮮既燒法 點擊圖片放大 再跟住,就係睇下有咩海鮮可以揀啦 小編我就推介以上個3個SET 一來可以試到唔同種類既海鮮 二來個價錢比較相宜=) 試岩左有咩好食可以再加架 點擊圖片放大 再黎飲品 點擊圖片放大 +2 揀好食物之後,職員就會比一堆餐具你 再幫你上炭 仲有最重要就係比左一盆冰水你 等你唔小心彈到都可以即時降溫 講左咁耐,大家都餓架啦 黎燒海鮮啦~~ 因為我地都唔係好識燒,所以搵左個哥哥黎幫我地 新鮮既海鮮我黎啦 一放上去,鮑魚同個螺都仲係郁架 勁新鮮 燒到一半,哥哥幫我地開左一半個殼,等佢入面D水滾起就差唔多可以食=) 燒完第一轉,再繼續第二轉 再ZOOM近D野食比大家睇下先 帶子加埋牛油真心無得輸 人生第1次食蠔覺得都OK好食 仲有鮑魚同螺架 食完左D海鮮,小編同朋友都覺得唔係好夠飽 所以一人叫多左一個迷你吞拿魚飯 佢仲有配埋三文魚既麵豉湯 好正 終於食到飽飽,係時候要去比錢去下個CHECK POINT啦 店舖資料: 名稱: 魚市魚座 營業時間: 11:00〜21:00 地址: 〒873-0033大分県杵築市大字守江4775-9 電話: 0978-63-9100 官方網站: 魚市魚座 想番去睇下偽。本地人深度遊個總覽 可以 按此 想問多D既話歡迎用以下途徑搵我 Email: choitsz_wing@yahoo.com.hk Facebook: littlecongi分享地攤 Line: ck6057 Instagram: little_congi / congi_share