本來以為去個北海道應該無咩野買… 點知又爆左KG番香港 又到左介紹好既藥妝比大家去日本買啦 今期去到北海道呢,阿史萊姆出左好多唔同既產品 咁我地就由佢講起先啦 Z! 眼藥水 (368円 - 698円 + 稅) 今次佢CROSSOVER左史萊姆 連個樽都係佢個樣,即係盒既加上角個個圖樣咁 佢呢個限量版賣完就無架啦 分別出左3種比大家揀 最左既係最普通版,亦都係好平既,398円左右 中間既係比戴隱形眼鏡既朋友用既,598円左右 而最右既就係最勁,有冰涼感架,不過要698円 大家呢排去日本都可以搵下仲有無架 2. ロートクール40 又係同史萊姆CROSSOVER 但係呢個牌子無專登換左個樽 佢地係送多個史萊姆既盒比大家入住佢啫 變相其實無咩特別XDDD 好啦,睇完史萊姆之後,我地回歸番去睇D正常D既藥妝啦 3. Cruel Moisture Face Milk (1800円 + 稅) 我諗大家對呢個牌子都唔係太陌生 佢呢個LOTION係面霜黎既 我買之前試左一下 搽上面係厚身得黎唔會好黏,夏天都好接受到 同埋佢點都平過香港啦 不妨入手一支試下 4. イポケアEX 去角質美容液 (1900円 + 稅) 呢支野雖然係好細同埋聽個價錢唔係好吸引 但佢係只需要一滴就可以幫你去角質 唔洗好似其他產品咁用好多先去到角質 5. 暈浪丸(6粒裝) (1000円 + 稅) 有位朋友本身好易暈浪 係香港試左唔少牌子都係唔WORK 但試左呢隻之後,又OK左 佢分別有3粒,6粒同9粒裝 只係食1粒就可以KEEP到一日 唔怪之得朋友叫我記得幫佢大手入貨看門口啦 貴就好似貴左D,但除番開,其實同香港既藥都唔係差好多 6. 探熱針 (300-400円 + 稅) 係日本OMRON係電子產品幾出名既牌子 唔好以為出左名就會好貴 佢呢D探熱針個價錢都幾親民架 港幣20幾蚊就有一支,真係抵 7. 超立體口罩 (398円 + 稅) 一般既口罩我好唔鐘意既原因係太貼嘴 一打完左個乞痴D口水就同你個口直接接觸=( 但呢個既設計就係比你個口同口罩之間有空間 唔洗直接同你D口水KISS 好似好左 8. 小顏口罩 (398円 + 稅) 有睇上一次既藥妝分享就應該記得我同大家講 普通版個SIZE唔係太做到細面既效果 所以我今次買番個細SIZE黎試 記得粉紅色係細 粉藍色係普通SIZE呀 9. 保濕口罩 (398円 + 稅) 想介紹佢比大家既原因係 一般大家戴口罩都會覺得佢好焗 雖然係可以隔到冷氣唔會抽乾你D口水 但呢一個係可以做埋放濕既效果 呢個牌子出左2款,每個款有3種味 上圖呢個係FOR訓覺用既,佢有一種係日間用既 而每一款都有橙味,薄荷同埋無味比大家揀 就算有鼻敏感都唔怕用唔到啦 冬天會佢真係好舒服,幫到空氣加濕 10. 鎮痛貼 – 熱感 (1680円 + 稅) 大家睇完個價錢可能會問點解咁貴都介紹既? 我都明白大家覺得1700円得個28塊係有D貴 但因為呢一種有加入左消炎既成分 所以會比一般既貴 唔好以為佢淨係出熱感呀,佢其實都有出一般冰涼既個種 但陳年舊患既話係會覺得熱感舒服D既 11. 鎮痛貼 – 熱感 呢個呢就係平少少既另一種 我唔係好記得左幾錢 但因為佢無左消炎既效用 所以就相對上平左D 重點黎啦,以下就係我高度推介既野啦 12. 馬油腳部去角質膜 (798円 + 稅) 一般呢D MASK係要浸大約一個鐘 佢就可以少20分鐘 係快好多 呢個用落第一下用有好冰涼既感覺 但到洗腳既時候記得唔好用太熱既水 如果唔係就係好灼痛架啦 咁如是者等佢5-7日 你D死皮就會開始甩出黎 呢一個會推介既原因係浸完洗完之後你既死皮會好乾 (證明佢生緊新皮層) 如果你對腳係好乾好乾既話 恭喜你,你對腳一星期後就好似BB咁 咁滑 如果甩得曬既話,著鞋個陣真係會舒服好多 13. 平價版去角質足膜 (398円 + 稅) 呢個未試,係因為平先介紹下比大家 呢個就要60分鐘啦 但佢有好多味,又平 所以先買黎試 不妨去搵下YA 到最最最後推介既係係一間叫SERIA既家居100円 店到買既 14. MY MELODY口罩 (100円 + 稅) 呢個其實係比小朋友用既 小朋友病左大人想佢戴下口罩怕佢傳染比其他同學仔 但小朋友唔肯 呢一款絕對可以提起佢既興趣 佢有好多款架,多數係SANRIO既人物 當然有D係比男仔用啦 佢個口罩同封面呢個公仔係一樣架 你話係咪好吸引先=) 有小朋友又係日本見到SERIA既去買啦 終於打完啦 多謝你地睇左咁耐 希望你地鐘意啦=) 下一次又係講番好野食既時候啦 係札幌市中心既漁市場 記得留意啦=) 大家有問題想問既可以用以下途徑搵我架 Facebook: littlecongi分享地攤 Line: ck6057 Instagram: little_congi / congi_store