相信大家都有聽過去台灣就當然要打下邊爐架啦 用料好之餘價值又唔會太貴XD 較早前係台北已經試過無老火鍋 但原來係台中公益路都有一間 上網搵到有又諗唔到食咩好 就當然去試下啦XD 呢間無老鍋雖然唔係好近台中市中心 但係大家都知架啦 台中去邊到都要1D時間既 呢一間大約要搭20-30分鐘車程到啦 比大家睇下個外面先 佢地最出名既就係佢地個養生鍋 仲有呀 個麻辣鍋係可以不停加辣 咁就唔怕食到一半無曬味啦 呀… 好重要既係 佢地個豆皮同鴨血都係無限量比你架 記得要加呀XD 好啦我地去睇下個環境好唔好先 嗯，環境都唔錯 坐低再睇下個爐 佢個圍牆係要黎保護D火 因為有時D位個風都好大 有左佢個火就唔會咁唔穩定 再睇下佢壺茶，係清熱解渴既茶 係就係熱左D 但真係幾解到渴既 EEE 係張檯到發現左D特別野 唔好以為呢四支野係飲得 其實佢係湯黎架 係比大家煲到無曬水既時候自己加落去既 唔夠既話又叫服務員幫下你啦 再去睇下個湯底 白色既係養生鍋 而紅色既就係主角麻辣鍋啦 再睇下我叫左D咩野食啦 嚴選雪花牛肉 無骨牛小排 呢個係真心推介比大家 因為佢只係TWD 680 兌番港幣都唔黎200蚊 依家係香港你有200蚊都搵唔到咁大碟有咁高質數既牛肉啦 下一道 干貝滑 唔好以為佢係一般既滑咁簡單 佢食落既時候真係有好有乾瑤柱味 而且仲有少少肉可以咬下 正 再黎綜合蒟蒻 呢3種野，建議放麻辣個邊 咁就好味好多XD 仲有就係一人份量既烏冬 望落好少但其實都好夠既 佢就算煲得耐都唔會爛同痴底架 所以可以煲耐D入味D 最後一樣係我強力介紹比鐘意麻辣既朋友 就係油炸鬼啦 將佢當成響鈴咁食 輕輕將麻辣既湯底注滿整條油炸鬼 香脆既外表再加濃濃既麻辣湯 試過一次包你上癮 今次個介紹唔係太長 但都希望比到個意見你地係台中食D咩啦 店舖資料: 店 名： 台中公益店 電 話： 04-2319-1158 或 24小時線上訂位 地 址： 台中市南屯區公益路二段74號 營業時間： 平日AM11:30~04:00，假日提早半小時. 交通資訊： 開車： 1. 【1號國道】可由中港路交流道(台中第二處出口)下，行經中港路往市區方向右轉文心路二段至公益路二段左轉即可抵達 (請於前一路口惠中路切至機車道，以便右轉文心路)。 2. 【3號國道】快官交流道下接中彰快速道路/台74線，於市政交流道下接環中路三段，於市政路右轉，接文心路右轉至公益路二段左轉即可抵達。 火車與公車： 於台中火車站前站下車，可至統聯站前搭統聯81號公車，於大墩路口站下車，步行3分鐘即可達無老。 高鐵： 於台中烏日站下車，由高鐵台中站大廳前往6號出口13號公車月台搭乘高鐵快捷公車《高鐵台中站-台中公園》，於大墩路口站下車，步行3分鐘即可達無老。 Facebook: littlecongi分享地攤 Line: ck6057 Instagram: little_congi / congi_store Whatsapp: 51831643
