呢個星期講左幾多好野食同咁正既地方之後 當然要分享下我今次獨遊既住宿啦 我今次BOOK房係分別用左AGODA.COM同JAPANICAN.COM呢兩個網站既 小編我第一晚呢因為係夜機 所以好慘咁係機場訓左一晚 之後係機場個LOUNGE到比左300YEN沖左個靚涼就出發 但如果大家搭凌晨機又要去整KIX CARD既話 咁就要留意下下面張圖 你要CATCH到班車先去到2號客運大樓個24小時CARD CENTRE整架 頭3日我經AGODA用380蚊一晚既價錢訂左大家都話好正既DORMY INN 我今次BOOK既係心齋橋分店(並唔係PREMIUM個間) 由於我BOOK既係單人房 所以真係好細架 呢間就係我間房啦 就咁睇都好似OK 但其實一個26吋既喼都開唔到 小編我仲要有兩個喼 真係寸步難行 睇完個房,有件事想提提大家 佢係冬天既時候冷氣係會無左架 我入到房個陣仲以為壞左=.= 不過服務台既國內服務員好貼心咁拎左一把風扇比我吹足3晚先無比暖氣焗死 呢間DORMY INN最大特色呢 就係每日都有人工溫泉同埋宵夜拉麵比大家用 先介紹個人工溫泉 佢有分男,女湯 而女湯呢,個門口係有密碼保護既 如果女仕們想去浸浴,就要每日上午10點後去服務台拎新密碼啦 另外,係澡場既出面,有3部飲品機比大家買野飲 我呢,浸完浴就梗係飲100YEN既牛奶啦 至於宵夜 就係每晚9點到11點,酒店都會免費供應一碗小小既拉麵 大家一入到食堂 先去話比服務員知你有幾個人 之後佢就會比個牌仔你 佢整好左碗就會用日文,國語同英文三語叫NUMBER 你做番個牌佢 佢就會比個麵你 其實碗麵真係唔多 所以我都會買多少少野一齊食 右邊既就係呢排大熱既ROYCE布丁(162YEN) 每一晚都好滿足呢 住完左3晚DORMY INN之後 我就由街頭搬到去街尾 即係搬左去DORMY INN PREMIUM對面既富士屋 好多人都話佢唔好 但係我好鐘意呢間酒店 最後既呢一晚我用左7250YEN係JAPANICAN到BOOK 講番點解大家會話唔好先 因為傳言話佢3日先執一次房 但所謂既唔執 就只係唔幫你換新床單 但係依然會幫你執番整齊張床同換乾淨既毛巾架 所以佢CP值其實都好高既 講番間房先 我今次係BOOK單人房既 但因為呢間酒店係無單人房既 所以我順利成章免費UPGRADE去雙人房 你睇下,勁大 點擊圖片放大 順帶一提,佢地既DOUBLE BED係兩張DOUBLE BED合埋一齊既 所以張床唔似一般DOUBLE BED咁細 好似我咁大隻都無有怕 我開完左個26吋喼之後 係個地下碌地沙都仲得 真係好抵呀,但只可惜我第二朝晨早要CHECK OUT啦 好好享受完最後一晚既酒店之後 係時候番香港啦 你地睇下我,一個人去都兩個喼XDDD 真係買左好多野,帶左好多貨 最後提提大家 佢個服務台附近係有個行李磅比大家用架 不妨係出機場前睇下有無超磅=) 希望我既分享幫到你地啦 Facebook: littlecongi分享地攤 Line: ck6057 Instagram: little_congi