去首爾之前做了資料搜集,發現韓國梨花女子大學環境優美,甚具歐洲氣息,所以決定納入行程當中。 我地由梨大站2號出口,左轉入梨大主街直行,大約5分鐘就望到上圖梨花女子大學校舍,總之向著佢行就啱啦! 一入校門就見到不少人係門口嘅梨花牆影相,係必影打卡位之一。我地去到係下午時間,如早上去光線更佳。 向前行就去到很多人拍照,呈對稱效果嘅建築,亦係大學嘅課室,入面仲有便利店,口渴可以入去買飲品,係店旁坐低休息。不過留意,並非兩邊所有的樓層都開放。 接著就到左最標誌性嘅建築,梨大著名的大講堂! 往大講堂右邊行上去,有一個公園真係好似置身歐洲。 除左大講堂,梨大仲有數座建築充滿歐洲風格。 參觀完梨花女子大學可以係附近嘅梨大商圈行街 (大學外面就係),大部分店鋪都標着₩10000一件衫/褲/裙,相信可買到不少高質韓裝。