小妹真係好中意食餃子!今次仲食到去韓國!由於住明洞,當然唔可以錯過榮獲米之蓮車胎人推介嘅「明洞餃子」。 「明洞餃子」有兩層,我地早上約11時去到,當時已大排長龍,大部分都係韓國人,不過流轉率好高,等左大約10分鐘就到我地。餐廳主打4款食品,分別係雞湯雲吞肉燥麵、豬肉韭菜餃子、韓式辣醬麵與豆漿冷麵,我地叫左一個餃子同一個肉燥麵。 豬肉韭菜餃子 ( ₩10000) 其實我係前一日都食過餃子(就係「明洞餃子隔離,因為果陣佢仲未開門),不過比較之下,「明洞餃子」嘅皮薄好多,而且入面好多肉汁!絕對係餃子迷必食! 雞湯雲吞肉燥麵 ( ₩8000) 另一個雲吞都好好食!不過雲吞只有4粒,而且比較細同薄,但個皮好滑,內餡多汁,連雞湯一齊食好鮮甜! 麵條煙韌。 PS. 「明洞餃子」就好似香港嘅茶餐廳,食完就會馬上有人執走餐具吹你走。另外,需於下單時付款。 明洞餃子 地址: 29 Myeongdong 10-gil, Myeong-dong, Jung-gu, Seoul, 韓國 營業時間: 10:30-21:30