小妹趁秋季降臨,去首爾一睹波波草嘅可愛!聽聞好多韓妹呢個時候都會去朝聖。 今次係小妹第一次去韓國,住係好多朋友話大媽先會去住嘅明洞,不過真心好多野食,又方便。好啦,言歸正傳,因為住明洞,所以搵食都係附近。不過原來呢度竟然有一間好好味嘅醬油蟹食 - 咸草醬花螃蟹餐廳。 一人醬油蟹套餐有分辣同唔辣,唔辣大約₩34000,包一隻醬油蟹、8碟小食同一碗白飯,由於我地未食過,唔知食唔食到,所以我地叫一人套餐同一個蟹膏撈飯。 本身以為醬油蟹會好咸,點知完全唔會咸,可能係甜醬油,再加上蟹本身用咸草花浸過,非常鮮味甘香,肉質好軟滑,一啜就食到晒D蟹肉,食完不停想食! 食完蟹腳可以將蟹殼裝住嘅醬油同少少膏撈落白飯度食,一啲都唔會晒! 另一個蟹膏撈飯好多蟹膏!配以紫菜同新鮮蔬菜,撈起黎食口感好豐富,味道清新! 坐係度食先發現原來呢間餐廳之前被韓國電視報導過。 咸草醬花螃蟹餐廳 地址:首爾中區忠武路2街11-1 陽光大廈 B1F(서울 중구 충무로2가 11-1) 營業時間:11:30~23:00