呢幾日氣溫驟降,凍到我唔想出門口之餘,好掛住前排係泰國吃喝玩樂嘅日子。 今次同大家分享係泰國好受外國人歡迎,位於小巻嘅粉紅cafe小店。 間cafe叫Unicorn Cafe,以獨角獸作為主題,整間店的牆紙都係以粉紅嘅彩虹同獨角獸為主,非常夢幻,好啱同閏蜜一齊去打卡。小店入面枱同枱之間空間十足,而且梳發上面有好多獨角獸毛公仔俾人影相, 仲可以借獨角獸衫cosplay (不過D衫有D舊)!另外,係同一條街嘅轉彎位仲有一間分店,而且呢間分店嘅天花板掛滿左好多好多隻獨角獸,本身我地想去呢間,可惜當時已經滿座。 除左佈置之外,小店嘅野食都無令我地失望! 食物以甜品為主,不過都有美式嘅薯條、漢堡同牛扒提供。我地當日好肚餓,點幾都仲未食過野,所以叫左牛扒食,反而無試到甜品>< 下次有機會真係要試下! 不過我想推薦嘅係佢地有造型又好飲嘅特色飲品 !身為有選擇困難症嘅港女,我對住個menu成10分鐘先揀到~ 結果我揀左杯Unicorn hot fresh milk,佢比我想像中大杯,而且味道唔錯,充滿奶香,加上colourful 嘅綿花糖同糖粒,睇到都開心。 閏蜜們分別揀左杯Galaxy Star 同Unicorn Blood。Galaxy Star 係雲呢嗱沙冰,味道正常,唔伏。除左顏色吸引之外,仲插左支綿花糖,真心好靚! Unicorn Blood 係士多啤梨沙冰,食得出當中有牛奶,味道幾開胃,加上用心型樽盛載,又靚又好飲! 咸食方面,我地覺得個烤雞脾都唔錯,咬開有肉汁,同沙律醬都幾夾。 不過,份牛扒就乾左少少,而且過熟,好韌。 我地不停影影影...哈哈 Unicorn Cafe: Sathorn soi 8, Silom,Bangkok