夏天,小妹總是喜歡食放題!之前都試過好多間放題店,雖然各有各嘅特色野,但係放題當然咩都想試,又點會只係獨孤一味呢?呢日同好耐無見嘅朋友到銅鑼灣聚會,發現呢間放題大部分嘅野都好好食,絕對值得同大家推薦。 由於當日我地卜左,所以等一陣就入得去。 為左回本,放題當然狂點刺身,我地都叫左一大盤撕殺 見到啦,D刺身真係好厚切,食落口啖啖肉,而且感覺新鮮,好正! 小妹好推薦呢度嘅天婦羅!我地叫左蟹柳、秋葵同日本薯,d薯仔好軟腍香甜,我當甜品咁食左好多舊。秋葵都好正,而且炸粉都幾薄。好少食放題係連天婦羅都覺得好食嘅。 呢度仲有好多創意壽司、料理等小妹覺得素質高嘅。而且賣相都好夏日,好啱依加食。 甜品都有好多選擇,小妹最中意食乳酪雪糕,質感好smooth,而且仲有好多配料。 點擊圖片放大 依加大部分放題店都有各式自助吧,呢度都有冷盤、熱食、沙律同甜品吧。冷盤嘅青口同泰式鳳爪食得出係高質嘅,不過我地就無試蝦。另外,熱盤嘅螺肉味道都幾好! 點擊圖片放大