成日聽講大角咀好多野食,於是趁男友得閒同佢去大角咀覓食。由於佢中意食日本菜,所以我地揀左間係深水埗廣受好評嘅日本菜試下。 我本身以為餐廳裝潢同女人街日本餐廳差唔多,估唔到入去見到環境佈置好靚好光亮!而且坐位舒適。

侍應安排我地坐係一個5-6人位,我地心諗「死啦要同人搭枱」,不過坐低之後發現佢唔會安排人同我地一齊坐!超開心,2個人坐得闊落又舒服!

枱面上放左魚生醬油同壽司飯醬油俾客人用。

驚喜嘅係估唔到星期五晚都有晚市定食,而且睇落好似好多野食,價錢唔貴,大約$100-150左右。

雖然芥末係日本餐廳好普通,不呢間特別在係用新鮮磨的芥末蓉,連細節位都好用心。

我叫左個迷你角切魚生飯刺身壽司餐。首先上嘅係麵豉湯,個湯唔會太咸,材料好豐富。

 之後就到個餐啦!真心好多野食,好似兒童餐,好開心!魚生飯同刺身都好新鮮、高質!
 
 
 
 
男友叫左個吞拿魚蓉丼飯刺身壽司餐。佢話吞拿魚蓉好香,刺身新鮮,而且炙燒壽司油脂酣香,好好食。
 
 
 
 
唯一失望嘅係套餐追加$10蚊嘅厚燒玉子超級迷你,而且玉子煎得好老,口感欠佳。
 
個坐位好大,對面係空櫈!
 
This entry was posted in 九龍, 外遊美食, 家庭聚會, 情侶約會, 日式菜, 特色餐廳, 知己聚會, 香港 and tagged , , , , , . Bookmark the permalink.