依加北上消費都唔低,對於經常北上嘅我黎講,梗係要搵多啲高質兼抵食嘅餐廳幫自己慳荷包啦!

今次同閏蜜北上整頭,整完之後就到附近嘅商場 (KK Mall) 覓食。本身我地想食酸菜魚,可惜太多人等位,我地於是轉移去食另一間人氣餐廳 – 南京大排檔。而且等左3-5分鐘就入去了。

門口裝飾古色古香不再話說,連入面都一絲不苛,掛滿晒大大個燈籠,旁邊出菜位置又裝飾成一個個小攤檔咁,營造古時大排檔嘅效果!令人食都食得開心啲。

打開菜單見到每道菜都係$20-40左右,我地於是叫多左2-3道試下,由於閏蜜箍緊牙,所以我地食得較清淡,分別叫左國民美齡粥、天王烤鴨包、老牌陽春麵、清燉獅子頭、玉帶絲瓜及桂花拉糕。

首推民國美齡粥 RMB18

本身對個粥無咩期望,只見到白色一碗水水的。不過食落就有驚喜,個粥微甜唔會漏,有點豆香,相信個粥底係用上豆漿黎煲,加上淮山,令粥更綿滑。百合就增添左口感同養顏嘅功用。

天王烤鴨包 RMB36

因為小妹很喜歡吃小籠包,所以一見到就指定要叫個烤鴨包試試。果然無令我失望,一咬落去超多汁,而且鴨肉都幾多,無欺場!

老牌陽春麵 RMB9

我地見到價格吸引,所以叫黎試下,本以為很細一碗,不過原來兩個人分都分到每人2-3碗細細碗,CP值甚高。唔好知睇湯汁好似好深色就以為好咸,食落咸度適中。

清燉獅子頭 RMB28

個獅子頭燉得好淋,入口即溶,好滑溜!係想食得清淡啲嘅好選擇。雖然得一個,但大家都食左好多啖。

玉帶絲瓜 RMB36

呢鍋玉帶絲瓜 真係好巨型,好抵食!!!而且好嫩滑,一啲都唔老,不過調味比較咸,要配飯或者麵食好啲。

桂花拉糕 RMB24

兩個女仔雖然食得好飽,但講到甜品又係另一個胃,最彼都忍唔住叫左個桂花拉糕食。

兩個人食左6道菜,每人都唔使RMB100,真心好抵食!

南京大牌檔(KKMALL店)

This entry was posted in 中國, 中國菜, 外遊美食, 家常小菜, 家庭聚會, 情侶約會, 特色餐廳, 知己聚會, 觀光 and tagged , , , , . Bookmark the permalink.