小妹好耐好耐無食過烤雞了,一黎驚熱氣,二黎又要減肥,不過呢日同男友妹妹食飯,佢係一個韓迷,所以我破例陪佢食下炸雞。見近排出左隻新口味嘅蜜糖烤雞好啱嗜甜嘅我地,所以就決定試試佢。

蜜糖香烤滑雞 ($185)

個烤雞只係睇都覺得好吸引,而且都好大碟,我地3個人share,每個人都食到3-4塊! 望住已經咁juicy,當然咬落去都無令我失落,雞皮烤得好薄透,無咩脂肪連住,連唔食皮嘅我都連皮食mad 雞肉好嫩滑多汁,加上蜜糖香,真的好色香味俱全哦kiss仲要唔覺漏!又要高呼:好好味啊!wow

蟹籽沙律醬芝士雞蛋卷 ($128)

另一款好物係呢個都係新出嘅蟹籽沙律醬芝士雞蛋卷,其實有D似日式嘅燒玉子。雞蛋卷上面鋪住番茄蓉同蟹籽再淋上蛋黃醬,入面就包住芝士,感覺好豐富咁。

我地本身無諗過係流心芝士,結果一切開,真係驚豔啊heartD芝士一下子流晒出黎,即刻食欲大增! 食落酸酸甜好開胃,不過雞蛋卷略嫌煎過火左少少,唔夠滑。但整體是好食的。like

韓式牛肉炒年糕 ($148)

另外,驚食雞唔夠飽,我地仲叫左呢個年糕。不過原來都好大碗仲有好多韓式粉絲,韓式粉絲吸收晒D湯汁,好入味,入口甜甜地、微辣,不會太濃。牛肉反而有D硬身,同一般韓式餐廳果D差唔多。

藍橙沙冰 ($58)

有橙味,不過稍甜。

 

Ps. 估唔到手套嘅包裝咁得意,有心思!

 

Goobne Chicken

荃灣楊屋道1號荃新天地一期地下G29號舖

This entry was posted in 情侶約會, 新界, 特色餐廳, 知己聚會, 韓國菜 and tagged , , , , , . Bookmark the permalink.