除左去間網紅美式復古Cafe,我地上晝仲去左另一間位於歡樂海岸嘅cafe – Tony Flower。

呢間cafe比較少人介紹,不過我地見近近地於是入去試下。Tony Flower 一共有兩層,以黃色為主色調,門口有隻大大隻嘅黃色免仔,甚有夏日嘅感覺!

地下係reception counter,另外埋單都係落樓下埋。

2樓係餐廳,分開左兩個區域,外面嘅天花吊左好多鳥籠做裝飾,每張台上面有一隻黃色雀仔做裝飾;入面有免仔耳裝飾嘅櫈,好可愛!

連餐巾都一絲不苟。

Cafe主要係食西餐,有意粉、肉醬千層面等,我地叫左以下嘅野食:

雞肉沙律,估唔到有紫薯同橙,味道有少少唔夾。不過雞肉有彈性,牛油果都幾好食,好香。

呢個係海鮮闊條麵,甜甜地,有D微辣,cafe黎講都可以。

個人覺得最好食係呢個千層麵,好香!

食完飯我地就周圍影下相,侍應好好心咁遞個menu俾我地扮道具影下相,不過提醒我地只可以用手機影,唔可以用相機影(而我不知道原因是甚麼)

Tony Flower

地址: 白石路東35號歡樂海岸曲水灣6棟6-1B

 

This entry was posted in 中國, 其他歐洲菜, 外遊美食, 情侶約會, 消閒, 特色餐廳, 甜品/飲品, 知己聚會 and tagged , , , , . Bookmark the permalink.