IMG_9708

一年容易又中秋~講到中秋月餅,相信無咩邊個唔中意食半島嘉麟樓嘅奶黃月餅!今日就等小妹同大家分享下由嘉麟樓第一代奶黃月餅原創人梁潤發師傅教授酥皮金沙奶黃月餅嘅製作過程啦!

多謝OpenRice同Luna 15 ,小妹早前就有幸跟梁師傅學整迷你奶黃月餅!機會難逢,小妹當日早早到場準備,最重要係同師傅傾下計,討教下整酥皮金沙奶黃月餅嘅心得。

而主辦單位已經好貼心地準備左搓好嘅酥皮同混合左咸蛋嘅奶黃餡俾我地。而且仲有個clipboard俾我地記低師傅嘅心得。

IMG_9702

洗完手之後就正式睇師傅示範搓皮同包餡嘅技巧。首先要將酥皮細分成均等嘅12份,我地有電子磅量度,唔多唔少。

之後手掌用陰力將酥皮麵團壓成圓形,放入預先準備左嘅金沙奶黃餡。

IMG_9732

用右手輕輕將酥皮撥向中間,包住餡料,收口位整成尖尖的。

IMG_9749

然後就可以月餅模壓自己中意嘅圖案。

睇完示範後,小妹就雞手鴨腳咁開始啦>< 好彩嘅係師傅經常走過黎好細心咁指導我地,如果唔係,我諗唔到自己會整左咩出黎。

當日有唔少嘅木製嘅月餅模可以選擇︰包括傳統的「中秋月餅」字、花草圖案、開飯喇嘅lam lam脷 emoji等。小妹就㨂左emoji圖案同「月」、「陞」等字眼。

IMG_9696 (1)_meitu_1

IMG_9763

壓完餅模已經完成左70%嘅工作啦,之後就可以放入焗爐焗6分鐘。係呢個時候,小妹終於可以抖啖氣,自拍下再睇下師傅示範製作酥皮同奶黃嘅嘅過程,真係學到好多實用嘅技巧!相信自己係屋企整都唔成問題掛~

IMG_9781

6分鐘後,我地嘅月餅BB終於出黎啦!

IMG_9777

不過,要整好味嘅金沙奶黃月餅並唔係咁易……

焗完第一次6分鐘後要掃上蛋漿,攤凍45分鐘。之後放入焗爐焗多6分鐘,再上蛋漿,最後焗2分鐘先完成!

IMG_9814

可能因為個酥皮太鬆脆,所以一切開嘅時候個餅有D碎碎地,不過真係超香!見到流晒口水~ 師傅見我地唔捨得食自己整果D,仲即場請我地試食佢即場整嘅奶黃月餅!

IMG_9842_meitu_2

裝月餅嘅盒都唔馬虎,有兩款設計可以㨂,仲有靚靚貼紙可以貼出個人嘅style。

IMG_9856

依加以參加餅奶黃月餅工作室仲可以以優惠價訂購師傅嘅手作奶黃月餅添!

〖Luna 15月餅教室資料〗

 

 

This entry was posted in 活動, 消閒, 烘焙, 甜品/飲品, 甜品糖水, 節日. Bookmark the permalink.