放工同舊同事係蘭桂坊飲杯野,黎左呢間係雲咸街新開既酒吧Tellus! 出面好型但睇唔到入面好似好神秘,入到去雖然唔係好大但係大部份都係梳發位坐得好舒服,仲有一幅有霓虹燈好岩打卡既牆哈哈! 酒吧主打香檳,成個12月份有做6款特別的聖誕特飲,好有聖誕氣氛! 我有小小感冒所以唔想飲太重酒精味的,調酒師建議我試試聖誕特飲裡面的baby, it’s cold outside($158),裡面有Ginger beer, apple cider和vodka三種酒混合而成,而且呢杯cocktail竟然係熱既!飲一啖就感覺到濃濃的肉桂同薑味道,唔會好甜,辣辣地好似唔覺得飲緊酒精飲品,我感冒飲呢個好舒服。呢杯超適合女仔,好容易入口,好似我呢d成日俾朋友笑係fish tank飲野好慢既人都好快就飲完!不過唔好少睇,我飲完有少少上頭頭暈暈哈哈! 舊同事叫左杯凍既Naughty Grinch($168), 主要加左Bailey同埋白朱古力,係上面仲放左個棉花糖,適合影相呃like哈哈。我飲左啖原來綠色的係薄荷味,有d係薄荷朱古力奶加小小酒,又係好容易入口好岩女仔飲既! 呢間酒吧坐得舒服,音樂節奏感強,聖誕特飲好適合女仔,去蘭桂坊飲野又多個選擇!