一講 "三清洞摩西" , 大家都知道講年糕火鍋。 早幾年係韓國食過一次覺得好正 , 估唔到上年年尾係旺角開左分店。 可惜既係 , 一直都出名排勁耐隊既 , 所以都未有去試。 點知早幾日去上網搵銅鑼灣有咩野食 , 點知見到 "三清洞摩西" 有分店係度。 但太夜 , 佢地差不多關門 , 就即刻 plan 左尋日去睇下係咪真係有分店。 店舖位於渣甸街渣甸中心 , 地鐵 F 出口再行去都係兩, 三分鐘就到。 呢橦商業大廈已經差不多變左成橦都係食店 , 而且食飯時間長期都要排隊等 lift。 不過好彩 "三清洞摩西" 只係 1/F , 建議大家唔好等 lift , 直接行入去大堂最入度行樓梯上去係快靚正。 上到門口已經有好多 poster 介紹佢地。 而家地方真係好大 , 店員話呢度比旺角分店大好多 , 所以要等位既機會係細 d 。 點擊圖片放大 呢度有五款年糕鍋比大家選擇 , 每人係需要點一款 , 如果五個人黎 , 可以一次過試晒五款。 但唔係比五個鍋你 , 佢地會將五款材料 group 埋一鍋既 , 不過現場都係 2-3人比較多 , 而睇得出 3 人鍋係比 2 人鍋大 d 。 我就點左芝士同部隊 , +左粉絲 , 紫菜卷 , 炸餃子 , 芝士炒飯。 冇水供應的 , 所以都點左可樂 , 估唔到既係檸底 , 算佢啦。 黎到好似唔算好大鍋 , 店員話唔夠唔緊要 , 可以再加麵架 , 而家等佢煲幾分鐘就可以食 , 仲提我地食左紫菜卷同炸餃子先 , 唔係太腍就唔好。 辣度冇得改 , 開頭食到 ok , 但 d 湯開始少果陣 , 就愈食愈辣了。 幾經辛苦食晒個鍋後 , 就叫炒飯上。 好可惜 , 個炒飯唔係係你面前炒既 , 係廚房整好再拎出黎。 芝士看似好多 , 但居然係紫菜味最突出 , 唔好以為好多 , 冇厚度可言。 ---------------------------------------------------------------------------------------------------------------------- 想知更多美食資訊 , 歡迎FOLLOW我的專頁& Instagram 多謝支持^^ My Blog: https://blog.ulifestyle.com.hk/blogger/leung3siu http://leung3siu.blogspot.com