日前是肥熊老婆生日 , 又要煩惱吃什麼 又想近近地 , 不想走太遠 , 就在家附近找一下有什麼好餐廳選擇。 給我看到南洋酒店內的君好扒燒西餐廳 , 主菜係食石燒扒 , 有好多款選擇 , 有石燒 , 石鍋燒 , 石春鍋燒。 而且係半自助餐黎 , 沙律 , 前菜 , 冷盤 , 餐湯 , 麵包同蛋糕都係任拎任食。 每款石燒價錢都有不同 , 石燒更有唔同扒同海鮮配搭 , 最平既 $338 起 都幾有特色 , 而且話晒都係酒店 , 咁既價錢 , 都係低食 , 去試試。 呢間餐廳為於酒店既 2 樓 , 可以坐升降機上去。 間餐廳唔算大 , 可能平日 , 計埋我地都係得兩枱客人。 而侍應安排左我地坐低左之後就問我地食乜 , order 完主菜 , 侍應話呢個 d 餐就會有三杯飲品 , 首先係餐前飲品有果汁同甜酒。 肥熊就叫左蘋果汁 , 我叫左想飲甜酒 , 但侍應講左一堆名之後 , 我發覺我只係識 Balley's , 所以就點左佢 , 咁而家就真係出去既拎野食。 湯呢就有白蒜忌廉湯 , 同意大利雜菜湯 , 湯隔離係烘麵包機 , 但各位勺湯時先唔好烘麵包 , 因為每個餐係會有兩塊蒜溶麵 , 仲會附上黑松露醬。 呢個真係好美味 , 好想 encore , 可惜冇 , 為有自己再去烘多兩塊多士止渴啦。 飲完湯就食下冷盤 , 雖然呢度海鮮冷盤只係得蝦同青口 , 但質素係好好 , 都係大隻爽口鮮甜 , 我地都食左幾轉。 仲有煙三文魚 , 沙律呀咁 而醬都好豐富 , 我最 like 既係藍芝士汁 , 好味。 食到咁上下 , 休息下時 , 侍應就問你上得主菜未。 我地都覺得 係時間就話可以上 , 都係等左幾分鐘 , 主菜就到。 咁上枱之前 , 侍應叫你地穿上圍裙先 , 同問我地飲紅酒定白酒 , 食肉嘛 , 都係飲紅酒 , 之後就舊石拎上枱。 呢個石燒鮑魚 + 肉眼扒 ($388) , 侍應會簡單介紹下同教我地點整。 肉眼一分鐘反一次 , 每次會大約熟左一成。 不過我地反左四次左右 , 最後渣上牛油就上碟 , 但感覺係差不多八成熟 , 好彩 , 唔係太韌 , 唔需要沾醬都好好味。 而鮑魚就五分鐘反一次 , 大約15分鐘就食得。 呢個就好成功 , 爽口好味。 而另一個係石春燒鍋 , 個鍋入面好多熱石春 , 加湯去煮熟 d 肉 , 入面有豬肉腸 , 羊架 , 牛柳 , 豬扒 ($388)。 首先焗佢三分鐘 , 怕 d 羊架同牛柳太熟既 , 可以拎出黎先 , 我冇拎出黎 , 直接再加湯連埋腸同豬扒再焗多三分鐘。 夠鐘打開 , 好香 , 但有煲湯既感覺。 豬肉同羊架好爽 , 唔韌 , 夠味 , 而牛柳就真係過熟 , 好彩都唔係韌 , 亦都夠味。 食左咁上下 , 就去另一面拎 d 配菜 , 薯餅呀 , 蕃茄 , 粟米同西蘭花 食左咁多野 , 呢一刻都好飽。 但仲有甜品 , 跟餐佢地係送一杯 Dreyer's 雪糕 而出面仲有八款蛋糕 , 食左其中四款 , 係個 tiramisu 係比較好食。 之後就慢慢嘆埋杯餐茶 , 不過就味道比較麻麻。 不過咁既價錢 , 食物質素都唔太差 , 可能少人 , 環境算清靜 , 我覺得都低食。 ------------------------------------------------------------------------------------------------------------------------- 想知更多美食資訊 , 歡迎FOLLOW我的專頁& Instagram 多謝支持^^ My Blog: https://blog.ulifestyle.com.hk/blogger/leung3siu http://leung3siu.blogspot.com