我原意係去呢個汝矣島輪中路櫻花節 , 就覺得呢個就應該係汝矣島公園 , 即係汝矣島站 (915) 落車就對 所以我地係狎鷗亭羅德奧站 (K212) 上番地鐵 , 去到宣靖陵站 (K214 / 927) 轉 9 號線 , 再去呢個汝矣島站 (915) 真係唔講得笑 , 撞正係收工時間 , 車箱入面真係好逼好逼。 好唔容易捱到去汝矣島站 (915)。 不過坐呢個 9 號線要小心 , 因為有快車同慢車 快車 : 會跳站 , 有 d 站唔會停。 慢車 : 站站停 , 有時仲會停得比較耐 , 讓路比快車。 我地就係汝矣島站3號出口上地面 因為逼左好耐 , 即刻係7仔買罐 IU hite 邊行邊飲。(呢次旅程愛左呢隻味道) 呢度好中環味道既商業區 , 不過都有 d 特別藝術品 一路直行 , 過左馬路就係汝矣島公園 好多人黎呢度行 , 可能收工搵個地方放鬆下心情啦 一入到公園已經見好多人踩單車 , 又有好多個籃球場 籃球場後面見到架軍機 , 當然去睇睇啦 軍機有樓梯可以行上去入機倉 入面有左右兩排櫈同d電視仔 應該係打仗時既歷史片。 睇完戰機 , 我先打開地圖邊度係輪中路啦 , 點知 !!!!!!!!!!!!!!!!!!!!!!!!!!!!!!!!!!!!!!!!!!! --------------- 第九日待續 --------------- 想知更多美食資訊 , 歡迎FOLLOW我的專頁& Instagram 多謝支持^^ My Blog: https://blog.ulifestyle.com.hk/blogger/leung3siu http://leung3siu.blogspot.com 如果喜歡我的文章 , 麻煩按一下下面的 like 啦!!