滾筒燒肉 , 顧名思義係滾筒入面燒肉 , 而呢個名我幫佢地改 , 因為呢間燒肉店正正用呢個方法燒肉。 Google “깍두기바베큐”呢個名 , 就叫 “蘿蔔燒肉” , 不過 search 唔到 d 什麼記錄。 而呢間咁得意既燒肉店 , 係某旅遊雜誌 facebook 係 share 出黎 , 一樣係冇出地址冇出店名 , 咁就包冇錯資料啦 , 所以就算有人留言問地址呀店名呀 , 佢地都唔會回覆 , 神呀。 不過呢次比都算佢地有良心啦 , 都有話係 ig 度搵既 , 仲打埋 Instagram @chaeyeon88。 好喇 , 咁資料就係咁多 , 而個 IG 戶口係一位韓國女仔黎 , 即係打既係全韓文 , 我又又又一定明知打乜啦 但 Google 大神呢個時間並沒有出埸 , 因為玩開 IG 都會加 hashtag , 而呢位韓國女仔當然有打 , 咁就要靠 hashtag 去搵。 哈哈 , 好彩 , 係第4個 hashtag 就搵到一堆滾筒圖 , 就知道係呢個 “깍두기바베큐”了。 再係大量既滾筒圖 , 每張去搵 , 睇下有冇打卡 (發覺韓國人唔多興打卡) , 就比我搵到 2 個位置 : A 及 B。(當然經我視察完就知道 B 係錯既) 個位置真係睇到都有 d 驚 , 係幾偏僻下 , 係 1 號線既冠岳站 (P146) , 係咪聽都未聽過呢 ? 果面我唔識分咩區 , 算衿川區定冠岳區呢 ? 而坐呢條線真係要好小心 , 因為去果面既方向呢 , 係有兩條線 (一個去仁川 , 另一個去新昌) , 上次我去文鶴體育場時就係坐錯方向 , 所以要睇清楚架車去邊一個方向先好上車。 冠岳站只有 1 & 2 號出口 , 好簡單 , 到站之後 , 就去 1 號出口喇 (btw 其實 1 號出口都有 lift 既) , 坐 lift 好行樓梯又好 , 落到地面時即刻向右行。 到左個街口就再轉右 你會見到柯達 (同韓巢一樣) 既 , 跟手就再直行。 直行之後係左面見到 7 仔個牌啦 (要細心睇 , 因為係上樓既) 跟手右面就係派出所 再直行就轉左喇。 轉左後就靠住呢個大型屋苑行 行過個屋苑見到間 mini stop 就過對面間 PB 麵包店 , 再繼續向前行。 又係去到街口轉右 , 再直行 會見到中間有堆大排檔咁既野 就入去中間再轉左 , 就會見到呢間燒肉店。 去到果陣坐滿人 , 店員出黎問我野 , 但我用英文覆佢 , 佢顯得好奇怪 , 叫左個應該係老闆既人士出黎 老闆好出奇地用英文問我地邊度黎 , 我地話香港 之後再問我地有冇訂位 , 冇就幫我地 mark 低名同電話 , 我地就更係冇韓國電話號碼 所以我同肥熊只可以坐係店門口度等。 果陣氣溫應該低過十度 , 可以話係飢寒交迫。 等左45分鐘後 , 終於有人走。 坐低先睇到入面都係得 7 張 4 人枱。 而 Menu 就係牆度 , 好 sad , 圖都冇張 可能老闆知道我地完全唔識 , 佢已經係度介紹食乜 當然啦 , 來來去去都係豬啦 , 老闆知道我地唔係本地人 , 叫我試左個 200g (10000won) 先 點完菜 , 就 set 好架步先 一面係滾筒 另一面就係電磁爐 電磁爐就放左一盤蔥 , 正正正 , 仲有燒肉醬前菜 呢個時間當然又係叫 IU hite 啦 豬肉黎喇 , 都似係三層肉 店員就將佢地放入滾筒同放好碳火 真係自己滾動架 滾動燒肉 要令佢地熟透既 , 當然要焗住黎燒 不過都只係幾分鐘 , 店員就打開滾筒 金黃色既三層肉 , 好香 店員確定食得就撈起佢地再放去盤蔥度 再教我地夾埋一齊食 因為太好味 , 好快食晒。 老闆再黎介紹另外野食 : 薯片 又真係完全冇問題 , 有 d 仲燒到脆口既添 老闆似乎睇得出我地未夠喉。 再介紹另一樣燒得既野 : 年糕條 平時係韓燒都有燒 , 不過次次都燒得好失敗。 不過呢度有滾筒 , 火喉易控制 , 又燒得平均。 出到黎外脆內軟架 食左咁多野就飽晒了 埋計再睇番張單 , 老闆好老實 , 冇蝦我外地人而收多錢。 不過要再一次讚老闆真係好好人 , 比完錢時 , 仲要仲要 , 送我地出大街 , 怕我地迷路 , 好可愛呀 當然要影埋佢地卡片啦 不過唔知有幾多人會去試試呢 ? --------------- 第九日完 --------------- 想知更多美食資訊 , 歡迎FOLLOW我的專頁& Instagram 多謝支持^^ My Blog: https://blog.ulifestyle.com.hk/blogger/leung3siu http://leung3siu.blogspot.com 如果喜歡我的文章 , 麻煩按一下下面的 like 啦!!