我相信唔黎食一次 , 真係唔會心息 位置真係唔太難搵 可以係韓巢打 “HONKAZ” , 就比到個位置你 之前行過都見到長期有人排隊 , 所以我地未開門就黎到。 不過韓國果然同香港唔同風氣 佢地唔會排住隊等開門 , 咁我地更係入鄉隨俗。 未開門就行開下先 , 11:10am 左右返去 因為佢地 11am 先開門 都已經坐左 7-8成人。 呢位哥哥好辛苦 , 我坐咁耐 , 佢隻右手就不停鎚豬扒 , 好明顯咁睇到佢右手係粗過左手。 牆身又比人畫左好多野 , 好有玩味。 不過出名既店真係唔同 , 知道你係遊客就會派一個會中文既招呼我地 , 態度仲要好好。 好細心解釋左一個梅醬 , 一個香蕉醬 可能佢見我有番咁上下身形 , 係前菜度 , 佢重覆左 "個湯係任添" 兩次 烏冬 set 都低 , 有麵有飯 , 豬扒食落都算鬆化 , 但呢個唔係焦點 呢度當然一定係食芝士炸豬扒啦 看似芝士滿滿咁 , 其實個豬扒兜唔算深 , 一口咬落去都未夠芝士量。 而送芝士豬扒黎之後 , 會中文的店員又再埋黎 , 好好心地提我 : 白飯都是任添的 哈哈 , 不過我就更係要留肚 , 冇添飯啦 --------------- 第十日待續 --------------- 想知更多美食資訊 , 歡迎FOLLOW我的專頁& Instagram 多謝支持^^ My Blog: https://blog.ulifestyle.com.hk/blogger/leung3siu http://leung3siu.blogspot.com 如果喜歡我的文章 , 麻煩按一下下面的 like 啦!!