最新黎到香港開分店既韓國炸雞 : sodam chicken 係銅鑼灣耀華街3號 , 百樂中心7樓。(電話:27280200) 夜晚8點黎到 , 冇 book 枱 , 都好彩只係等左幾分鐘就入得。 呢個叫濃蒜炸雞 ($188) 蒜香濃郁 , 食落醬汁帶酸酸甜甜咁。 肉質仍算嫩 , 而且佢地既雞係偏件 , 最厚肉既雞胸都唔會好乾。 係 sodam chicken , 炸雞有好多款 , 但都需要其他野食。 而嫌其他野食貴 , 或者太多時 , 呢個紫菜卷芝士波波拼盤 ($88) , 就岩岩好。 入面既紫菜卷中間係粉絲黎。 芝士波雖然個表面硬左小小 , 但入面既芝士都幾濃 , 而個芝士波要趁熱食 , 因為凍左 d 芝士變韌左少少。 仲有既係薯條。 食左咁 heavy 既野 , 都要飲下野解渴。 而家 sodam chicken 未有酒牌 , 只可以飲其他野。 呢度既特飲都好得意 , 我就選擇左提子特飲 ($58)。 特別在唔係味道 , 而係有支雪條係入面 , 真係好吸引女士。(蘋果特飲係有支糖) 佢地仲有外賣服務 , 係佢地店附近工作或者居住既 , 可以 call 佢地架。