岩岩既星期6 (13/6) , 係煌府婚宴集團又一個大日子 , 就係佢地又多左一間分店 : 煌苑。 點解又關我呢 d 已婚既人士呢 ?咁大家都知道我係煌府度擺婚宴 , 所以我絕對係煌府既 fans 之一啦 , 每次有大型 party , 我都盡量出席架。 當日下午黎到會場就已經感受到果種熱鬧既氣氛喇 , 好多人已經係場入面聽緊個 mc 講野喇 , 不過我遲左黎 , 好肚餓更係要醫醫個肚先。 煌府既 party , 食物上真係唔駛擔心 , 剩係睇果粒黑松露燒賣 , 就知道陳博士好錫我地 ; 而蝦餃入面 , 應該包左3-4隻大蝦 , 一啖食落口 , 滿足感爆錶。 當然唔少得就係我最喜歡食既椒鹽豆腐啦 , 手慢 d 都已經比人掃左一半 而飲品方面 , 一樣咁正 , 有我近期最愛既 1664 飲。 當我食飽飽後 , 陳博士同一眾主禮嘉賓已經移師出左去空中花園度為舞獅點睛喇。 陳博士可以話係醒目有型呀 呢個時間 , 當然又係唔少得每次 party 必做既指定動作 , 大合照喇 , 成百人係度影相都冇問題 , 就知道有幾咁大。 每次既 party , 煌府都請左一班好專業既攝影師為各位既留下美麗回憶 , 而呢次更有航拍比大家去體驗一下 , 連 d 主禮嘉賓都覺得好新奇好玩 , 而亦都比準新人去考慮呢個場地有幾咁適合用呢個科技。 之後就係即場模擬證婚喇 , 而煌苑請左李雨陽先生 , 同朱希敏小姐示範喇 , 李雨陽先生 , 同朱希敏小姐真係郎才女貌。 現場亦準備左 live band 係度奏樂 , 成個氣氛真係開心好多 , 浪漫指數標升。 完左證婚 , 就有希臘女神為祝賀煌苑而準備既婚紗 cat walk show , 我下篇再分享 , 而 cat walk show 之後 , 係場地既另一面 , 煌苑預備左既小手作班同花藝製作班比準新人參加。 手作班由 My Craftasy 舉辦 , 佢地既作品真係好靚 , 佢地既 fans page 仲會不定期舉辦手作班教人 DIY 相薄/相架 , 而現場睇到 d 準新人真係好專心做好自己既作品 , 導師亦細心咁教導。 花藝製作班就由非常 hit 既 Hahahaflorist 舉辦 , 佢既花球有幾受歡迎 , 我相信唔需要我再多口 , 睇到參加左製作班既新人 , 手拎住「紅色The one and the only one花球」個滿足樣 , 就知道冇得頂 , 其實我好想去玩囉。 而場邊仲有幾個攤位 , 當然唔少得有舉辦 cat walk show 既希臘女神啦 , 佢地 d 衫真係好靚 , 我當年都有 join 佢地既外影套餐 , 呢次又見到咁靚既衫 , 真係想再影呀。 仲有既係 Wedding Print 擺左一個 Photobooth 比大家玩 , 呢個又係一個岩晒大人同小朋友玩既服務 , 影完唔駛 5 分鐘就可以拎到張相 , 實在太方便喇 , 而呢間公司仲有唔少特色既影相道具比大家去玩添。 佢地既fans page仲有好多相版睇, 有興趣既朋友可以睇睇。 http://www.facebook.com/wpweddingprint 而另一個係婚宴度唔少得既係 Candy Corner , 一個七彩繽紛既 Candy Corner 真係吸引唔少大人同小朋友既 , 而 呢次攤位係屬於 Treasure the moment 既 , 現場睇左佢地既 Candy Corner 真係好正 , 靚之餘 , 數十款糖果均來自歐美品牌,曲奇,Cupcake和蛋糕均屬自家製作 , 好鬼好味囉 , 早知道食多幾件呀。 而成個 party 壓軸環節既 , 更係抽獎啦 , 獎品真係好勁呀 : Cora Peach 「尚尚簽電子簽到服務」,價值$5888 Hahahaflorist「紅色The one and the only one花球」,價值$1988 煤氣公司 送出「名氣廊禮券 ($500)」x4份 領盛國際有限公司 「Manns金箔葡萄汽酒」x8枝 日本奈良/京都/大阪兩日婚紗攝影服務,價值 $29888 香港外景豪華婚紗攝影套餐,價值$20888 婚禮現場Live Band六人樂團,價值$15000 煌苑尊貴酒席一圍,價值$13888 全日婚禮攝影攝錄服務,價值$11800 婚紗禮服外租服務八件套餐,價值$8980 貼心大衿姐婚禮全日服務,價值$7800 INS THEORY全方位瘦身一個月療程,價值$6929 李志昂律師証婚服務,價值$3900 現金獎$3000 真係隨時黎參加下 party 就中左個大獎拎走啦 而冇抽中既朋友仔 , 每對新人都一個福袋拎走架 , 而個福袋入面既禮物亦一樣咁正 : 卓敏坊Pretty Fond [一小時跳舞堂 (三堂) 煌苑 Royal Courtyard[$50現金券] 官燕棧國際有限公司 [官燕棧囍宴燕窩禮盒(1樽裝)] 太興飲食集團 [太興港式奶茶] 嘉士伯香港有限公司 [Don Robrio 西班牙奧比奧紅酒] 領盛國際有限公司 [地捫香辣番茄汁] 李錦記(香港)有限公司 [方便醬料包] 每個福袋一套7款: 香煎銀鱈魚汁 甜酸排骨醬 麻婆豆腐醬 魚香茄子醬 醬爆牛仔骨醬 中式豬扒醬 希臘女神的[精美水晶陶瓷相架] ------------------------------------------------------------------------------------------------------------------------------- 陳博士真係太照顧愛錫我地喇 , 除左為我地準備豐富獎物外 , 佢地成個場地都費盡心思 , 而家再就講下場地既特色啦。 呢度可以擺32圍 , 而成個場地係長方形 , 冇柱冇死位 , 仲有 3 部大電視係場邊 , 遠少少既親友都一定可以睇到每個精彩時刻啦。 而成個場既佈置都好靚 , 我覺得好似一個古堡呀。 點擊圖片放大 舞台夠晒寬敞 , 3-40 人上去大合照都 ok 呀。 我相信有唔少人會問 , 煌府係 13樓已經有一間分店 , 點解 5 樓又要開多間架。 雖然煌苑冇 100呎水晶catwalk天橋 , 冇 360度雙重旋轉大舞台 , 冇流星花雨光纖天花。 而且煌苑位於尖沙咀 The One 既 5 樓 , 聽到個層數既位置好似好普通咁 , 其實呢層暗藏一個獨有而特別既環境 , 就係一個8000呎既空中花園 , 係尖沙咀呢個咁繁華既地方有一個空中花園 , 你話有幾咁難得。 空中花園入面有好多特色景點 , 每個位影一次 , 都有排影呀 而呢個只係其中一角咋。 而我相信好多人想空中花園證婚 , 但又唔想去到九龍灣咁遠 , 陳博士就係尖沙咀物色一個咁好既位置再製造一個空中花園比大家去選擇 , 仲有 , 空中花園都可以行 cat walk 架嘛。不過已經 book 夜晚擺酒唔緊要 , 煌苑仲推出好多下午證婚 plan 比大家選擇架。 想知更多資料既朋友可以留意佢地既Fans Page 經常都會有活動參加呢~~ https://www.facebook.com/TheRoyalCourtyard 想知更多美食資訊 , 歡迎FOLLOW我的專頁& Instagram 多謝支持^^ My Blog: https://blog.ulifestyle.com.hk/blogger/leung3siu http://leung3siu.blogspot.com