秒速行山之深水埗嘉頓山

趁住假日得閒,自己一個女仔留係屋企,時間係過得出奇地慢。

與其哂左一日時間搞到自己揼心口,不如搵個頹山行下。

今次行既深水埗嘉頓山就係完全適合一啲時間唔多,體力差,追求快靚正,又想貪心行山既各位!

係深水埗地鐵站出發,行到美荷樓青年宿舍,隔離就係鼎鼎大名既嘉頓山,成個過程由市區到入深山,不過係20分鐘。

呢個山之所以係人都行得,係因為啲路係全程石屎路,大約只係500幾級樓梯到。就算你行到幾慢都好,都包你20分鐘之內上頂。 香港 短途 行山 路線 深水埗 嘉頓山

 

上到頂,有幾隻大狗狗。行開呢個山做運動既人好似同啲狗狗好熟咁,同啲狗狗改哂名,不過我撞聾聽唔清啲狗狗個朵。香港 短途 行山 路線 深水埗 嘉頓山

 

係個山頂,可以望到深水埗一帶街景。不過日光日白去,無街燈無盛,係失色少少。不過呢張相右下角就影到嘉頓廠房,其實呢個山之所以叫嘉頓山,咪就係因為夠近嘉頓。香港 短途 行山 路線 深水埗 嘉頓山

 

山頂另外一面係望石硤尾,個景係數唔盡既公屋同地盤。香港 短途 行山 路線 深水埗 嘉頓山

 

貪得意加左effect,影落去啲樓同地盤真係好似LEGO咁。香港 短途 行山 路線 深水埗 嘉頓山

 

嗱!無呃你,落山個時見到個啊伯,真係連啊伯都行到,所以只要你有腳就上到黎!香港 短途 行山 路線 深水埗 嘉頓山

 

呢棟就係美荷樓青年宿舍,入面仲有間CAFE同生活館可以順道行下坐下,當係獎勵下自己咁辛苦行左個嘉頓山。
香港 短途 行山 路線 深水埗 嘉頓山

秒速行山之全程都係輕鬆用左一個鐘, 落到去仲有大把時間周圍行周圍食。以後真係無藉口話自己無力無時間行山。

This entry was posted in 消閒, 興趣, 運動, 香港 and tagged , , , , , , , , , , . Bookmark the permalink.