買左澳門Grand Hyatt Hotel 連Mezza9 自助晚餐 Package 。之前都住過君悅酒店,雖然唔係新起的酒店,但就住得非常舒適,所以今次都揀番呢間黎住。今次最主要想講下Mezza9 : mezza9 Macau的自助式晚餐, 採用「與廚共饗」自選策略,即係自己可以決定材料點煮點煮,而且好多海鮮食材任你揀! 因為個個網站都話淨係食buffet就要提早半年前book,但住grand hyatt 就可以有位。呢間buffet我地之前都食過,的確好出色。 今次再戰mezza9 dinner buffet,食物質素還是不錯的,但明顯比上次少人,因為都見到有幾張吉台。但呢間buffet都有唔少回本海鮮食,我地就食左芝士焗龍蝦、椒鹽龍蝦、避風塘炒蟹、椒鹽鮑魚仔、薑蔥鮑魚等等。基本上你都可決定煮食方法,味道都唔錯的。 芝士焗龍蝦 椒鹽鮑魚 椒鹽龍蝦 避風塘炒蟹 薑蔥鮑魚 唯一一樣覺得失色的是員工太小家,事源就是我地一行八人食buffet,由於之前已經食過這buffet,所以我地一進場就order 1打椒鹽鮑魚,職員就話叫住半打食住先啦。因為唔夠分關係,我地都去order 2打薑蔥鮑魚,職員又話唔得,每次只可以叫一打。好啦,我地再排隊叫多一打薑蔥鮑魚。職員又話唔得,你地已經叫左一打。我地決定換人去order,同埋唔想行咁多轉,就order多2打,點知職員話:你地張台已經order左3轉啦wo...... XPXP其實做得BUFFET真係唔需耍計住我地食左幾多囉,同埋我地有8個人食,鮑魚仔又唔係大隻,你既野食好食我地先食多D姐。 呢間BUFFET仲有一樣甜品真係要讚讚讚........焦糖椰子布丁<--唔知係咪咁叫XD 入面的布丁唔係蛋,係椰子味的。我唔識形容......當中採用埋椰糖,非常美味。即使食飽左都要食番2個先對得起自己的味蕾。有無人過又識整既,可以PM我嗎? 其實mezza9 Macau食物真的唔錯的,只係職員方面大打折扣。mezza9 的早餐都唔錯,好多野食,仲有Benedict Egg食架。有興趣既朋友都可以去試下,希望你地遇到大方既職員啦。 大家都可以上以下既link 搵到今次呢個package 架。 https://www.bengsengtravel.com/macau/package/grand-hyatt-macau.html https://www.hopetrip.com.hk/package/42931.html https://www.cityofdreamsmacau.com/tc/whats-on/hotel-spa-package/grand-hyatt-grand-offer/index.html http://www.hotel002.com/attachment/free_travel/1536049370iEUyj.pdf