身為一個抹茶控,每次去到日本旅行的話,總會想搵返一間抹茶專門店試下;而呢幾年,係香港亦都多左好多來自日本既抹茶過江龍店,絕對足以慰藉到每一位抹茶控的心。試了的抹茶店很多,水準當然有參差,今次分享下個人對這些抹茶店的少少感想。 日本 (1)伊藤久右衛門茶房 伊藤久右衛門係著名抹茶品牌,在京都各處也只會找到售賣其產品的地方,暫時沒有堂食的分店,除了今次這間在宇治的伊藤久右衛門茶房是例外!(海外的話,台灣也有一間茶房提供堂食)。 食後感:除了抹茶甜品外,還有各類抹茶的些鹹食提供,主要是抹茶麵為主。首先介紹兩樣抹茶鹹食,一款是抹茶冷麵(623日圓),另一樣是抹茶湯麵配鯖魚(907日圓)。先講冷麵,吃來去口感很彈牙又爽口,每一口也有淡淡的抹茶香,比較佢所出的一款可以買走的即食抹茶麵,要自己返去煮的,新鮮製作的茶味濃一點,色澤也深一點的,味道不錯;而湯面的湯甜甜鹹鹹的,用湯浸的麵身就會比較淋一點,口感截然不同,而且麵身會汲收了湯汁,抹茶味冇冷麵淨食般咁出,但就多了一種層次也很好吃,最驚喜反而是條鯖魚,魚的味道很濃郁,肉質又不會浸得過淋而變霉,估不到的美味! 點擊圖片放大 +2 吃飽再鹹食,點可以唔食埋抹茶的甜品呢~兩款甜品也是店舖限定的,一種係500個限定新茶芭菲(1080日圓),而另一種則係一日數量限定的抹茶布甸(680日圓)。先講抹茶布甸,由兩個抹茶布甸、抹茶啫喱、抹茶糖水、忌廉和蜜柑所組成,布甸很有彈力而且不是太甜,反而旁邊抹茶啫喱和糖水更甜,加了忌廉後,布甸和啫喱也變得滑身了,同時也會甜返一點,剛好蜜柑的微酸又可以中和返,甜品平衡度不錯。 至於新茶芭菲我更可以用驚嘆來形容,口感超多元化!先講上層那塊是抹茶杏仁餅,口感勁鬆脆又有濃茶味,真係好食到喊,好可惜冇得單買~然後仲有抹茶馬卡龍,外脆內濕又不會過甜、再來是抹茶雪糕、抹茶啫喱和新茶啫喱,茶味非常濃烈,再加上細膩的紅豆蓉,層次非常到位。之後還有一層係黃豆粉的厥餅,再到最核心的一層—新茶啫喱,這層的新茶啫喱和上層正方形的不同,這層是比較溶身的偏向液態狀,而味道其實係偏苦一點的,這時候就要出動隨芭菲附上的一杯新茶啦,把杯新茶倒落去就會有返甜味,味道即時大幅昇華!茶味濃厚得來又帶點清新,甜甜的到最尾又會帶有茶的回甘和微苦,無論口感層次定味道層次也絕對的美味!完全和平常所吃的抹茶甜品不同,像是另一個世界!由脆、爽、軟、滑、清新、濃厚集於一身,絕對令人回味無窮和印象深刻! 點擊圖片放大 +2 味道:★★★★★ 價錢:★★★★ 賣相:★★★★★ 款式:★★★★★ 地址:京都府宇治市莵道荒槇19-3 網址:http://www.itohkyuemon.co.jp/ (2)茶寮翠泉 茶寮翠泉相對於其他京都出產的抹茶名店較年輕,在2012年才開了今次光顧的高辻本店,算是後起之秀。 食後感:今次試左抹茶蛋糕芭菲(1480日圓)以及焙茶啫喱雪糕(880日圓),最先上枱的是抹茶蛋糕芭菲,賣相超級精緻,一層一層很細緻。味道方面更是超班,上面圓型那塊是抹茶夾心曲奇,濃濃抹茶味又鬆脆,在店舖入口處也可以買到回去吃,然後就是抹茶雪糕和一些兩色丸子,然後還驚喜地夾住了雲尼拿雪糕,味道是很濃厚的雲尼拿香味,和抹茶味味很配合,令人印象深刻!再之後就是抹茶蛋糕,軟綿綿很濕潤,最後在一輪甜之後,底部是偏向苦一點抹茶啫喱和抹茶中和返味蕾,整個芭菲平衡點做得很好! 而另一款焙茶啫喱雪糕,吃時把側面的黑糖糖漿倒下去。一般來說,有些人不太喜歡焙茶有點燶燶地的烘焙過的味道,但這個絕對冇呢個問題,無論是雪糕還是啫喱的味道都很細膩有層次,神來之筆更係側面的紅豆蓉,吃得出一粒粒的紅豆口感但又做到很幼滑,帶出了整道甜品的層次。 味道:★★★★☆ 價錢:★★★★ 賣相:★★★★★ 款式:★★★★☆ 地址:(a)京都市下京区高辻通東洞院東入稲荷町521番地 京都高辻ビル1階(高辻本店) (b)京都市中京区両替町通押小路上ル金吹町461番地 烏丸御池メディカルモール1階(烏丸御池店) 網址:http://saryo-suisen.com/ (3)茶寮都路里 愛吃抹茶製品的愛好者對於來自京都的茶寮都路里都一定不會陌生的了,店方的抹茶製品就是用上祇園辻利的高級茶,這間老字號即使在東京也可以找到它的踪跡,分別光顧過位於祇園的總店和位於東京站大丸百貨的分店,東京分店價格會稍微比京都店貴少少。 食後感:首先介紹這店的招牌作之一:特選都路里抹茶芭菲(11xx日元)。這杯芭菲賣相很精緻,讓人很興奮,漂亮得不捨得去破壞它,而且亦不知道應該怎去下手。味道方面,還以為最上層的雪糕,但原來是抹茶忌廉很驚喜,然後是口感細密的抹茶蛋糕和口感彈性的抹茶啫喱互相配合平衡、甜度高口感較實的栗子、當然宇治金時必備的紅豆蓉很細膩、再到抹茶雪糕、咖啡奶凍、鮮忌廉和帶點苦澀的抹茶作底,用以中和整杯甜點的甜滯感,平衡了整杯甜品的結構,非常出色和精彩。整杯的口感味道豐富多變,一定要吃! 而另一款則是焙茶芭菲,只試吃了一口,有點像咖啡和奶茶之間的味道,整體味道不及抹茶那款出色。 再來就是宇治抹茶芭菲同玄米茶芭菲,一層一層不同質感的抹茶香在口腔裡散發著,最頂的是抹茶忌廉和抹茶啫喱,然後再到抹茶雪糕,再一層抹茶啫喱,之後到脆米和奶,最底部則是濃濃抹茶醬;玄米茶嗰個則是換上了玄米茶造的啫喱,其他部分大同小異,不過就同時享受到抹茶同玄米茶兩種味,而玄米茶啫喱真係充帶著好濃既玄米味,如果愛好此茶既應該會幾鍾意。 味道:★★★★☆ 價錢:★★★☆ 賣相:★★★★★ 款式:★★★★★ 地址:東山区四条通祇園町南側 573-3 祇園辻利本店 2階・3階 千代田区 東京駅八重洲北口 大丸東京店 10階 網址:http://www.giontsujiri.co.jp/saryo/ (4)京洋菓子司 jouvencelle 京洋菓子司 jouvencelle是人氣排長龍店,連VS嵐都介紹過!佢唔係傳統抹茶老字號品牌,但就有一樣抹茶甜品非常令人吸引,就是招牌作品抹茶朱古力鍋啦!(1512Yen),基本上見到每一枱食客都有點這一款甜品,而且這款抹茶朱古力鍋係每日數量有限,售完即止,想吃就真係要盡早。除此之外就是提供的蛋糕類別,而佢哋嘅人氣no.1係一款以竹葉包著的芝士蛋糕,還有一些季節限定甜品等,至於蛋糕類連飲品一起的套餐就1026Yen。 食後感:no.1既芝士蛋糕名叫さがの路,賣相真係好優雅又有幾分詩意,解開竹葉之後,最高一層的是抹茶糯米皮,而中間則是芝士慕絲,最底就係濕潤的蛋糕,芝士慕絲包着的有抹茶糯米丸子再包著紅豆餡和柚子味的大福餅,令成個蛋糕甜而不膩,帶了一點輕盈的感覺,整個蛋糕的層次豐富多變,係一款無論是賣相還是味道都是一應俱全的甜品!再配上帶點酸澀的西柚汁,整個套餐平衡點做得很足。 至於今次的重點抹茶朱古力鍋,上枱嗰陣係用一個兩層既瓷器盒子盛著食材,賣相精緻優雅,像個首飾盒一樣,而另外那杯就是抹茶朱古力醬,不過記得千祈唔好用晒啲抹茶朱古力醬,要留返少少最後用! 一打開就會見到當季的時令食材,一層係水果類別的,有香蕉、士多啤梨、番薯、柑和透明的是葛餅;另一層是和式點心類,有抹茶蛋糕、芝士蛋糕、燒丸子、栗子和白色糯米卷(佢包著的是類似香葉般的東西,也頗好吃的)。基本上每一款食材都和抹茶朱古力醬很夾,當中較特別的有葛餅,佢本身冇咩味,口感煙煙韌韌,但就好掛醬,最食得出抹茶朱古力醬既味!整體上,每種食材點左醬之後,由有酸有甜亦有些燒烤味,每一種配搭也有新的味道出來,味道層次豐富。 點擊圖片放大 剛剛說了留下一點抹茶醬最後先用,因為可以叫店員倒牛奶進去,這樣就會變成抹茶牛奶了!又香濃又滑,真係畫龍點睛,劃上了完美的句號。 味道:★★★★★ 價錢:★★★☆ 賣相:★★★★★ 款式:★★★☆ 地址:京都市東山区八坂鳥居前南入清井町482 京ばんビル2F 網址:http://jouvencelle.jp/ (5)常照園 常照園位於抹茶之鄉–宇治,就在平等院門前的位置,名氣沒有辻利、中村藤吉和伊藤久右衛門兩者那麼大,但它的抹茶雪糕很好吃。 食後感:那杯抹茶雪糕吃下去很不同凡響,口感軟綿綿的,綠色的抹茶粉灑在雪糕面,帶點苦甘香,和雪糕很配合,像喝了一口抹茶,茶味濃厚又不得會被奶味所掩蓋,一吃難忘,而且只需要300日元,令人真的想吃多一杯! 味道:★★★☆ 價錢:★★★★★ 賣相:★★★ 款式:★★ 地址:京都府宇治市宇治蓮華21-3 (6)茶の環(已經關閉堂食部分) 香港食茶の環抹茶軟雪糕就食得多,今次就來到位於廣島既本店,二樓係提供堂食先有既抹茶甜品,可惜係去完呢間總店冇幾耐之後,於2018年3月31日後食店層已經關閉了,唔知幾時先會有返。 食後感:抹茶芭菲試左兩款,食完令人真係大滿足呀!高的一杯抹茶芭菲1200Yen,矮的一杯就800Yen。這裡出品既抹茶雪糕一向都冇得輸,估唔到連芭菲夾雜著的牛奶雪糕都唔錯,每種抹茶製作的配料也不能忽略,由餅乾、脆餅、蛋糕到啫喱,每一種不同口感的抹茶都豐富了芭菲的變化,而紅豆蓉和白玉果然同抹茶是絕配。 而一set四款的抹茶甜品,完全滿足哂貪心想樣樣都試哂身為抹茶控的我!抹茶雪糕下面的是淡忌廉和酥皮,加左落去冇話有咩特別左,不過雪糕係好食;抹茶朱古力慕絲蛋糕偏甜少少,抹茶味都濃;抹茶窩夫配上白玉和紅豆,窩夫帶點煙韌,但未算最出色;抹茶蕨餅反而最驚喜,入口既溶又香抹茶味,正!食完咁多甜野,隨餐會送上一杯超苦澀抹茶,中和返口腔內的甜味。 點擊圖片放大 +5 這一餐抹茶大雜燴雖然比不上之前在京都食嗰啲咁出色,但能夠在廣島都食到有點質素的抹茶甜品,其實是令人興奮的,可惜現在已經結業了,希望遲點會開返。 味道:★★★ 價錢:★★★ 賣相:★★★★★ 款式:★★★★★ 地址:広島県広島市中区紙屋町 2-3-3 網址:http://www.cha-no-wa.jp/ 香港 (1)中村藤吉 中村藤吉無論係日本定係香港,都絕對係抹茶界既大哥大!雖然還未在日本試過,(上次去到宇治總店時,排隊等候既人實在太多,要等兩、三個鐘)但香港店就常常光顧。 食後感:最常食既首推係抹茶生茶啫喱,啫喱口感QQ很有彈性,抹茶味濃但唔會苦澀,配上兩球抹茶雪糕,雪糕奶味和茶味平衡得好好,茶味突出又奶味輕身,而且食落好滑,如果奶太少又會嚡,奶太多又影響味道,這個真係剛剛好!再配搭抹茶最佳好朋友,紅豆蓉和白玉,食完真係令人大滿足。 當然唔少得既仲有抹茶芭菲,一杯有齊抹茶雪糕、蛋糕、啫喱、慕絲和白玉、紅豆蓉同脆米,個人覺得可以改善最頂嗰層和脆米,因為脆米好乾、上面忌廉太實,如果換上軟雪糕和拎走脆米,整體味道和口感應該會好點。 另外仲有宇治金時餡蜜同勁大碗既宇治金時冰!餡蜜底部其實都係抹茶啫喱,同樣地有抹茶雪糕,但就配上了一堆生果和最中餅個塊脆餅,食嗰陣再撈埋抹茶蜜,會有又脆又軟的不同口感,略嫌生果的水準一般般;至於宇治金時冰,份量真係多到兩個人都食唔哂,刨冰上面係抹茶加焙茶軟雪糕,冰感二重奏。食嗰陣再落埋抹茶蜜和黑糖漿,刨冰刨得幼細,食落好滑入口即溶,係完全唔會咬到冰粒,而且刨冰溫度合適,食完都唔會頭痛!整體質素好好,絕對值得一再光顧。 味道:★★★ 價錢:★★★ 賣相:★★★ 款式:★★★ 地址:尖沙咀河內道18號K11 2樓211號舖 太古太古城道22號明宮閣地下G406號舖 尖沙咀柯士甸道西1號圓方商場1089B號舖 (2)京林屋 點擊圖片放大 +2 食後感:於京都有過百年歷史的老店,試左抹茶蕨餅、京林屋抹茶芭菲、香港限定抹茶芭菲和抹茶啫喱雪糕。這裡的抹茶軟雪糕茶味和奶味也平衡得很好,只是略嫌不夠幼滑,至於芭菲,我不太喜歡那些罐頭生果,很影響到味道和口感,如果換作新鮮水果應該會好點吧。另外仲有蕨餅,個人覺得唔夠中村藤吉的軟身和彈,幸好吃下去又比起中村藤吉的蕨餅來說,這間是不太苦,所以一間是口感好點,一間是味道好點。整體而言質素可以,是可以回頭的水準。 味道:★★★ 價錢:★★★ 賣相:★★★ 款式:★★★ 地址:銅鑼灣軒尼詩道500號希慎廣場12樓1203號舖 (3)京都抹茶庵丸久小山園日本茶販売店 京都抹茶庵丸久小山園日本茶販売店係由香港公司搵丸久小山園合作所開成而並非由本店直接開,丸久小山園在京都已經有300幾年的歷史,是一間老字號。 食後感:先講芭菲,最上層係抹茶軟雪糕、紅豆蓉和小丸子,佢既抹茶軟雪糕口感略帶煙韌,味道比起成日食既sweet house cha cha和中村藤吉偏抹茶味多點,亦比較苦一點,冇咁重奶味,對於不愛咁重奶味的抹茶迷會很喜愛;而紅豆蓉也不會死甜,幼滑得來又食到紅豆的粒粒口感;之後到抹茶蛋糕粒,口感鬆軟而抹茶味濃,再加上點了抹茶軟雪糕,變成了最好食的部份;然後是抹茶啫喱、忌廉、脆米,脆米不夠脆再加上因為上面抹茶雪糕冇溶落去,所以吃起來有點乾,下次應該用雪糕混合一下會好點;最底層是抹茶慕絲,超濃抹茶味。整體上較中村藤吉的芭菲較少甜一點,整杯也是以抹茶的甘苦為主導,抹茶迷摰愛。 之於另一款的抹茶雪糕新地,隨杯會附送兩塊抹茶曲奇,兩塊曲奇都幾甜,不過因為杯抹茶也是偏向苦味一點,所以反而帶出中和的作用,個人覺得佢既抹茶味比起sweet house cha cha杯抹茶沙冰更略勝一籌,再加上抹茶軟雪糕的煙韌口感,抹茶的滋味在口中完全大爆發,所以如果是抹茶迷的話,一定會喝到好開心! 味道:★★★ 價錢:★★★ 賣相:★★★ 款式:★★★ 地址:尖沙咀河內道18號K11 2樓211號舖 (4)宇治園 點擊圖片放大 食後感:今次只係試左抹茶芭菲,有齊抹茶樹葉形脆餅、白玉、抹茶軟雪糕、玄米脆粒、紅豆、玄米脆片、抹茶蛋糕、忌廉同自家製抹茶啫喱,層次豐富,但成杯size唔係好大杯,曲奇嗰樣靚,但食落去抹茶味好淡,中間蛋糕就口感軟綿但都係得好微抹茶味,雪糕既奶味亦蓋過了抹茶味,而且溶得幾快。整體上唔算好出色,性價比比較中村藤吉來說略低。 味道:★★★ 價錢:★★★ 賣相:★★★ 款式:★★★ 地址:尖沙咀廣東道3-27號海港城港威商場4樓4201-4202K號舖 (5)辻利茶舖 點擊圖片放大 +3 食後感:這次光顧的中環店是沒有堂食的,觀塘店則有堂食,有機會遲點去試下。中環店只有外賣一些雪糕和抹茶凍飲等,味道不過不失,記憶點不太深,有機會再試埋堂食再分享。 味道:★★★ 價錢:★★★ 賣相:★★★ 款式:★★★ 地址:中環港景街1號國際金融中心3樓3012號舖 觀塘觀塘道418號創紀之城五期apm 2樓8號舖 (6)紅葉茶屋 紅葉茶屋來自鎌倉,雖然佢唔係抹茶專門店,但都有提供抹茶類甜品。 食後感:試了兩款抹茶芭菲,雪糕未上枱已經開始溶,茶味冇乜,奶味亦欠奉,一杯食落中間全部係脆片同忌廉,勁乾,另一杯係中間抹茶忌廉,冇層次冇口感。整體質素麻麻,來到可以不用試抹茶野。 味道:★★★ 價錢:★★★ 賣相:★★★ 款式:★★★ 地址:旺角彌敦道700號T.O.P This Is Our Place 3樓309-310號舖 「立」即去旅遊已經係Facebook開左專頁和Instagram啦! IG:lapstravel https://www.facebook.com/lapstravel/