第6天(星期二,23/10) 行程:上野酒店 》日本橋 》上野 》成田機場 》香港 來到最後一日既行程,其實原本諗住會今日去成田市行下,但後來覺得今次旅行好多觀光景點而缺少了購物環節,所以中間決定改一改。一早首先出發去日本橋站既高島屋百貨公司,不過咁早好多店都未開,唯獨見到間麵包舖排哂長龍,唔知有咩特別呢~而我咁早來到係因為要去期待已久,早一個月前已經預約定的全日本第一間的Pokémon Cafe(按名食評),食物賣相好精緻可愛!原本都唔會期望這類主題餐廳的食物會好好食,但又意想唔到味道唔錯。 點擊圖片放大 +8 食到中段時間,真人(?)比卡超仲會出場和大家打招呼!食飽又之後,當然唔少得去埋隔離既Pokémon center TOKYO DX買Pokémon 既產品返屋企啦! 點擊圖片放大 +2 然後係呢區百貨公司睇下買下手信,又見到前幾日係池袋見到但嗰陣已經售罄既Audrey手信(網頁參考按此),佢真係好hit,好早已經排哂隊!佢最受歡迎就係一款士多啤梨忌廉蛋卷,賣相好精緻,官方介紹佢似一束鮮花般的,食嗰陣記得一口整個吃完,口感和味道比起逐啖吃爭很完,整口吃先可以吃到微酸的士多啤梨乾平衝返略甜的脆蛋卷外層和軟軟的忌廉,一脆一軟一甜一酸,各種味道、口感和層次恰到好處,味道有原味和朱古力味,有時候有期間限定口味,但個人較喜歡原味,沒有可可味咁強烈。另外,佢雖然也有賣其他士多啤梨類型的產品,但基乎每一位日本人顧客都只係買上面提嗰款,所以見到就好買了,因為好快會被掃清! 點擊圖片放大 +6 然後順便係四圍買下蛋糕、沙律、水果三文治等等當午餐,因為晏少少要去購物,應該沒有什麼時間坐得慢慢食野。 點擊圖片放大 +5 返到上野都係不停睇下買下,去到最尾一刻就趕去機場再買過。 點擊圖片放大 +2 來到成田機場,又搵到Pokémon center啦!裡面空間細細一眼望哂,但都有店舖限定商品嫁,就係機師同空姐版比卡超,很得意!其實本身今次都預早左4個鐘到機場,但行下又掛住買,估唔到最後趕到差不多要跑上機咁濟...... 點擊圖片放大 +9 今次既旅行彌補左好多之前來東京冇去過的大路景點,整個旅程去了好多地方,每一樣都好難忘,期待下一次三月的旅行可以創造更多美好的回憶! 「立」即去旅遊其他平台: 歡迎大家去比個like丫! IG:lapstravel FB: https://www.facebook.com/lapstravel/ Youtube Channel:https://bit.ly/2scNVfk