【美食+購物】東京日本橋 Pokémon Cafe + Pokémon center TOKYO DX:潮聖pokémon中心發源地

係1998年,全世界第一間pokémon center就正正在日本橋高島屋開幕,經過20年之後,係同一個地方,終於迎來全日本第一間Pokémon cafe!!對於喜愛Pokémon 的人來說,這裡絕對係來東京一定要潮聖的地方,能夠來到這裡,心情真係超亢奮!不過要來這裡之前,記得要在網上預約,因為這裡暫時是不接受walk-in的。網頁入面提供日文和英文,所以唔怕睇唔明,最快可以在心水日期前一個月開始接受預約,記住星期六、日係最熱門時間,通常一出就好快滿席。另外,係預約嗰陣會問會唔會購買限定商品,唔好以為可以去到先再諗買唔買,因為現場真係冇得買嫁!好後悔嗰陣冇買呀!(限定商品是廚師和侍應造型的比卡超產品)

Pokémon cafe還有Pokémon center TOKYO DX佔據了高島屋S.C.東館 5F成層,今次預約左最早既時段10:30來,但其實百貨公司係開11:00既,所以要去搭專屬電梯,在等電梯時已經見到超大的Pokémon 牆。

一上到來打開電梯門,就見到大大隻既卡比獸座陣啦!卡比獸左邊係cafe入口,而右邊就係去Pokémon center。

內裡座位都幾多,我今次係平日最早時間來到,近窗和大枱係全部滿席的,另一邊則是接近滿了一半。由於我好早來到,趁未坐人就即刻四圍去影下相先,因為每一處都好多影相位。

大枱上面亦擺滿公仔,陪住大家一齊用餐~

這裡點餐是用ipad的,圖文並茂亦附中英日文,所以唔怕睇唔明;來之前上網睇過話每個位都會有唔同既Pokémon 餐紙,但可能今次是萬聖節,所以全部也只有得一款;另外還有一些係到用餐的小簡介,某些食物款式可以在用餐後拎走埋份餐具(當然會給你全新未用過的)

最後叫左一杯ピカチュウラテ マグカップ付き(比卡超焦糖咖啡連附送杯子,864Yen)、一個比卡超萬聖節套餐(1706Yen)和一款pancake 甜品(1589Yen)。焦糖咖啡正正常常,但拉花比卡超好得意;比卡超萬聖節套餐有蛋包飯、漢堡肉、炸蝦、星星薯角、意粉和沙律,個樣靚到唔捨得食,超可愛!原本都唔會期望這類主題餐廳的食物會好好食,但又意想唔到味道唔錯,漢堡扒食落好鬆軟唔會握到好實、蛋包飯微酸開胃而蛋又不會太乾、連黃椒也整成比卡超尾巴形狀,超用心;pancake 中間係忌廉加蛋糕,略嫌少少乾,耳仔位朱古力香蕉忌廉就好吃。

如果食得快的話,食完也千祈唔好走住,因為食到中段時間,真人(?)比卡超會出場和大家打招呼!我見有些海外遊客唔知道,就這樣子快快吃完便走了,很可惜的!比卡超會到每桌拍照、表演跳舞和大家拍下手等,佢會成個場都行一圈,包保每一位食客都可以坐係自己位,舒舒服服開開心心咁同比卡超互動。雖然出來的時間唔算好長,但佢一出來,無論大人定小朋友,大家的氣都好高漲亢奮!

 

食飽又睇完真人比卡超表演之後,當然唔少得去埋隔離既Pokémon center TOKYO DX買Pokémon 既產品返屋企啦!

呢到面積都算大,感覺上應該細過池袋店,但種類都好多元化,最估唔到依家連浴衣、結婚戒指都出埋。

那些和風造型比卡超好得意好靚,搞到又忍不住買左一大堆返去了!

如果你係Pokémon 粉絲的話,來到東京一定要來這裡潮聖一下,一定會留下愉快又美好的歡樂回憶呀!

推薦指數:★★★★★

抵吃指數:★★★

地址:東京都中央区日本橋二丁目11番2号 日本橋髙島屋S.C.東館 5階

營業時間:星期一至日10:30-22:00(L.O.食品21:00/飮品21:30)

Pokémon center TOKYO DX: 星期一至日10:30-21:00

網址:https://www.pokemoncenter-online.com/cafe/


「立」即去旅遊Youtube channel、Facebook專頁和Instagram:

IG:lapstravel

https://www.facebook.com/lapstravel/

Youtube Channel:https://bit.ly/2scNVfk

This entry was posted in 日式菜, 日本, 消閒, 購物 and tagged , , , , , , , , , , , , , , . Bookmark the permalink.