Category Archives: 護膚

台灣”美肌之誌”{升級版}控豆修護面膜

小妹LaLa習慣放工前照一照鏡,有一日係放工前照鏡,塊面都正常,唔知點解搭完巴士,返到屋企,一照鏡就見到塊面有紅有又啲啲腫,估計痘痘開始爆發,當然立即洗面,敷個控痘mask,其實呢隻mask已經用咗數年,多數放係屋企,而便不時之需,敷時痘痘位有點點吉吉哋感覺,應該係消炎殺菌效果,20分鐘後,紅退咗一大半,而腫起位置都平咗好多,第二朝起床已經唔見咗痘痘足跡,呢隻mask快過搽暗瘡膏,不過呢隻mask唔係人人啱用,因為有朋友試過,用完會敏感同生一粒粒,所以大家要留意. 近期係多間Watson唔見有得買,唔知係咪停產?煩惱中!  

Posted in 護膚 | Leave a comment

日本”BCL” AHA gel peeling b 蒟蒻去角質啫喱

小妹LaLa之前試過佢哋支卸妝水,覺得唔錯,所以就想試埋佢哋支peeling,同樣有清新蘋果香,無色素 / 無酒精,敏感肌都用得. 佢好易推開,輕輕按摩就會出現微粒子,呢啲微粒子其實係蒟蒻,會令角質/粉刺更容易去除,而且極之溫和,最重要係價錢實惠,一星期用一次(夏天時候可用兩次),用後肌膚回服光澤,更有光滑感, 護膚品都容易吸收. 使用方法: 1)清洗面部後,保持乾爽 2) 取適量約1-2滴,輕輕按摩T字位及粗糙位,記住避開嘴同眼 3)按摩後,用清水沖洗乾淨

Posted in 護膚 | Leave a comment

日本”BCL” AHA cleaning water oil free b 溫和卸妝潔膚水

踏入春天,小妹LaLa啲面油開始活躍起黎,所以要揾隻清爽又温和嘅卸妝水,甘啱係SaSa見到呢支,價錢大眾化,容量又夠大,而且係日本製造,仲可以一次過卸妝 + 潔淨肌膚 + 去埋老廢角質. 呢隻卸妝水溫和唔刺激肌膚,輕輕擦拭就可以清除老廢角質同化妝品「包括眼妝」及潔淨毛孔髒污,同時又聞到清爽蘋果香,用完後肌膚非常保濕同清爽,佢又唔含油份,酒精,礦物油,敏感肌都可以安心用.  

Posted in 化妝, 護膚 | Leave a comment