Category Archives: 化妝

日本”OPERA”sheer lip color唇蜜

小妹LaLa前排係日本Tokyu Hands最顯眼位置見到個硬紙架,冇心插柳下就買1支試試,返到HK先知道佢係2017年上半年獲得Cosme大賞. 呢支唇蜜集合咗Gloss x Rouge,好容易搽上咀,保濕度同滋潤度唔錯,又唔笠又有光澤,幼管裝放手袋或化妝袋好慳位,而且相當好搾手,最重要係佢按照唇形設計,唔會搽出唇邊,正!搽上後覺得非常自然,有啲透明裸色感,就算飲食後,唇蜜掉落都唔太覺,仲有價錢好親民,日日用都唔心疼,顏色選擇又多,時不時出限定季節顏色,可惜暫時HK未有發售.

Posted in 化妝 | Leave a comment

日本 “Shiseido” INTEGRATE crush jelly foundation水感啫喱粉底

一到夏天,小妹LaLa就會變油面,所以好怕又厚又笠又焗嘅底妝,甘啱日本4月份INTEGRATE推出左隻新粉底,佢係Shiseido旗下品牌,有信心保証,而且價錢非常吸引. 第一次試上手,感覺質地好滑又易印開又貼服,搽完後摸下好清爽,唔會笠痴痴,極之唔錯,當然要試上面外出一整日,輕輕印上面後,感到有一點點清涼感,而且好水水,輕輕按壓2、3次就可以將一啲小小瑕疵同鼻周粗大嘅毛孔遮走,自然又貼薄,有啲似透明裸妝. 測試過係戶外炎夏或冷氣辦公室用,半日後只有少量面油,同埋大風吹,啲頭髮都唔會痴係塊面到,不過大半日後就開始出油,所以如果用埋控油粉餅或碎粉,應該可以keep到大半日.   SPF30PA++防曬度, … Continue reading

Posted in 化妝 | Leave a comment

日本”BCL” AHA cleaning water oil free b 溫和卸妝潔膚水

踏入春天,小妹LaLa啲面油開始活躍起黎,所以要揾隻清爽又温和嘅卸妝水,甘啱係SaSa見到呢支,價錢大眾化,容量又夠大,而且係日本製造,仲可以一次過卸妝 + 潔淨肌膚 + 去埋老廢角質. 呢隻卸妝水溫和唔刺激肌膚,輕輕擦拭就可以清除老廢角質同化妝品「包括眼妝」及潔淨毛孔髒污,同時又聞到清爽蘋果香,用完後肌膚非常保濕同清爽,佢又唔含油份,酒精,礦物油,敏感肌都可以安心用.  

Posted in 化妝, 護膚 | Leave a comment