小妹LaLa係日本Tokyo Hands 見到呢支2018年獲COSME第一位,所以買支細size試試,點之用左第一次,發覺後悔冇買大支,仲要冇買幾支存貨. 由於有自然捲,需要用直髮夾,好容易髮尾會更加乾兼且毛燥,加上天氣乾燥,所以小妹LaLa頭1個星期每次用5泵,之後第二個星期用3泵,啲髮質開始柔軟,夾直髮比之前容易,唔駛浪漫太多時間處理. 泵出護髮液有少少濃厚感嘅油狀質地,但搽上頭髮後好清爽,唔會有笠嘅感覺,連隻手都冇黏黏感,用後唔需要再洗手,最特別係搽完後,頭髮好快乾,唔駛吹好耐,而且無香味,唔同一般日系有香氣嘅護髮品,第二朝起身,髮尾好柔順,好輕,容易控制,好神奇.極力推介! 使用方式:短髮泵1~2下 / 中長髮泵2~3下 / 長髮泵3~4下 洗完頭髮後用毛巾將多餘水分吸乾,在微濕髮狀態下搽上,之後吹頭就可.