日本”花王” Essential CC倍效護髮液 Cuticle Essence

瀏覽人數: 157

小妹LaLa之前提過,一起床啲頭髮唔太聽話,所以買咗個直髮夾幫手,但只用夾,都要花上一點點時間整理,但近期試用咗一隻超正產品 ,令每日整頭髮更快速,而且髮質更好,試過一次就返唔到轉頭.

通常受損頭髮嘅角質層會有剝落嘅情況,令到表面凹凸不平,根本唔可能維持護髮效果,但係呢支CC護髮液裡面有基底修補因子,有效修補受損嘅角質層,將角質層嘅空洞填補起黎,撫平角質層表面,令護髮素可以黏係平滑嘅角質層上,提升修護效果,而且簡單易用,只要洗髮後,直接加上CC護髮液(約1元硬幣大小嘅份量),唔需要沖水,唔洗等,直接搽埋護髮素,一次過沖水就得,非常方便,甘樣已經達至treatment效果,頭髮變得柔順貼服.

多左一個步驟,就令頭髮整個超順,似導入左精華,幫助護髮素更快吸收,即時柔順頭髮,而且佢唔似一般護髮甘要等待數分鐘,大大縮短係屋企護髮時間.

吹乾頭髮時,頭髮非常聽話,容易吹整,髮尾冇甘鬆散,吹完後完全唔駛用梳去梳開頭髮,一個打結都冇,好柔順,睇起黎似造左深層修護.

 

This entry was posted in 美髮. Bookmark the permalink.