小妹LaLa最近剪咗個半長不短嘅長度髮形,一起床最容易髮尾向外翹,頭髮短用鑽轉捲髮尾比較難,好容易辣到面同頸,所以決心買枝價錢又唔太貴同質素好嘅直髮夾,甘啱係綱上發現Vodana呢個牌子,原來係韓國出名嘅髮型用品品牌,佢出嘅髮夾,物料方面好講究,以{不傷害頭髮}見稱. 呢個髮夾用上咗圓弧狀設計,"soft bar" 即係夾頭髮個位置加強柔軟舒適感,只要輕輕滑過去就有靚靚效果,減少拉扯頭髮,避免髮絲受壓同斷髮,大大減少對頭髮嘅傷害. 所以係Gmarket買咗個,個直髮夾最吸引嘅地方當然係粉色調,加上電線360度旋轉及溫度有5個選擇(120至200度),適合唔同髮質和造型,預熱時間又非常之快, 大約40秒,朝早出門整理頭髮最啱,當紅色燈閃就代表預熱完成,電壓又係220V, 適合香港使用,為一係兩腳圓頭插頭,即係韓國用嗰種,但店主知道係香港用,會附送一個三腳轉插,好貼心,加上體型小巧,唔怕拎到手軟. 小妹LaLa一般用180度左右,而且好容易向下拉,好順好滑,唔會覺得頭髮被夾得太緊,夾嘅時候一啲都唔kick頭髮,用佢黎夾C內捲完全無問題.