今年農曆新年期間,小妹LaLa踏上呢塊土地,從胡志明感受濃厚中式嘅越南新年. 從未諗過越南嘅新年沿用中國農曆,而越南其他重要節日例如清明、端午、中秋、重陽等同中國幾乎一樣,當然新年係最盛大、最隆重嘅節日. 原來東南亞嘅國家中,越南受中國文化嘅影響係最深,自秦漢以來,同中國有大慨兩千多年嘅歷史文化淵源,除左保留民族習俗外,民間傳統節日同農曆節氣完全同中國一樣,如果從未有法國人一百多年嘅殖民統治,係文字上將拉丁文字取代漢字,越南基本上就係一個完全漢文化嘅國家. 其實直到宜家嘅廟宇或古建築上仲留有大量嘅漢字,越南亦有貼揮春嘅傳統,而且全國内簡直一模一樣,都有"福"字貼,"春"字掛串等等,令到小妹LaLa覺得好似係香港過節. 適逢今年年初一參觀百年郵局,見到大廳里有一大盆嘅黄梅花放係到,樹上好似聖誕樹甘掛滿裝飾物,有紅包、鞭炮、"春"字串等,全都寫住字母文字,每個字母文字都類似漢字嘅一個方格,大概就係對聯,聽講以前嘅對聯係漢字書寫,自從法國人推廣字母之後,漢字對聯就消失左,而漢字唔再係越南官方文字,所以宜家都係用國字寫成,仲有越南人過節,花係必備嘅年貨,逛花市亦係重要活動之一,不過由於氣候原因,中部以南係冇桃花,一般以黃梅花代替即係金盞花,作為一種裝飾,唔旦只屋企有,商場有,連各機關單位亦都會擺放,攪到處處都見到好多黄色花,好有春天就快來臨嘅感覺,極之開心同舒服,如果大家有機會,嘗試農曆新年期間黎越南走走,因為除左感受到節日氣氛,仲有全國交通極之暢順. 今次係旅程學到為一越南語 (CHUC MUNG NAM MOI = 新年快樂)