上回極光之旅傳送門https://blog.ulifestyle.com.hk/blogger/laiwai1993/2019/10/%e5%8c%97%e6%ad%90%e6%a5%b5%e5%85%89%e9%81%8a-%e7%91%9e%e5%85%b8-%e6%96%af%e5%be%b7%e5%93%a5%e7%88%be%e6%91%a9%e5%8f%8aabisko/ 咁Narvik離abisko有幾遠呢 真係好近,就係要當去左一個國家,當去打過卡都好 一開始都冇咩特別,之後d風景真係好靚,坐火物未必影得切同睇到,間車都好舒服,冇咩人坐 點擊圖片放大 一開始已經好靚,連綿不絕既雪山,白色既地下,真係好荒蕪 然後見到風車開始日落 點擊圖片放大 睇住個變化真係好靚,依d都係電話影,現場係靚超多 過完大橋同好靚既雪山就到了 今次住既係 Astrupgården Room & Apartments(阿斯楚普花園客房和公寓汽車旅館) 兩晚$709,咁都係公共廁所,廚所,但係我住果層就超好,得2間單人房1間雙房,即係4個人,係火車站行過黎就好快 幾大下公共空間,又有洗衣機,大雪櫃 咁冇人check in,佢send左大門口同房既密碼比我,但我見其他人就要係屋外大門個郵箱,囉鎖匙,咁我一開始又77下咁,搵唔到房門個密碼鎖,原來係手柄上邊,等我仲打比條友2次搵話唔到 咁附近有一間大超市,由於大部份野都收好早收6點,果時5點幾,我就拿拿臨放低野過去 上邊就係我依兩日到過會介紹既地方,因為依到好細 超市係地圖左下叫AMFI Narvik,好似開10-1800到,除左門口間buger king 收22:00 ,同埋星期一至日都開,商場有三場,首先一定有HM,有2間藥房,一D時裝同家品鋪,連埋大街都幾多人行 超市好大間,買左雞翼冬甩做晚餐,同奇異果,仲有幾好飲既青蘋果汁 成隻雞都好似賣$7X,但雞翼就要件3X,我又食唔晒,結果買雞翼算 咁有間壽司鋪,不過超級貴 咁夜晚就去湖邊睇下睇唔睇睇到極光,因為極光多數係北邊,所以向北邊走 不過其實太多光害,我又感冒發作,玩左一陣就走左 訓醒第2日諗住落街食野點知原來依到星期日咩都唔開,咁去左油站食左超貴熱狗成$4X 之後周圍影下相,去左公園9HEA 望住個天有個車太搖下搖下點擊圖片放大 +2 真係一個人都好難見到,好似世界末日有喪屍咁 點擊圖片放大 +2 依個路牌好出名好似,我見佢好多手信都印佢 之後好辛苦等到有野食開,係間叫 Peppes Pizza - Narvik 咁近車站果邊,不過行就好快 又係冇客,個PIZZA就冇咩特別,$13X 依邊物價係偏貴 咁之後去左 Narvik War Museum 咁其實間野好細,要$100 我第一次聽Narvik依個名係因為有隻game 戰地風雲5,有一個故事係講依個地方 大約係二戰事德國攻打挪威咁啦,仲記得game入面個天超多極光,估唔到一年後會黎左依到 咁我都係用google睇下佢講咩,因為我對依d都幾有興趣,唔係google都廢事 最後都係反戰味好重,講緊依家好似冇戰孚,但isis呀 恐襲呀之類都係另類戰爭 咁到夜晚我就去左間叫Bella Napoli既野食飯 半隻雞,沙津同薯仔,差唔多$150 但又幾好食,隻雞唔鞋口,經驗話我知,旅行食野除非佢係專賣果類肉,唔係叫雞實冇死,至少唔會有排咬,其他人都係本地人多,依頭都好少遊客黎,因為有d一日團可以係abisko朝早出發,夜晚番去咁,但要成800-1000,咁我不如過黎訓仲好啦 咁第2日就會坐sj火車去番瑞典境內,果到都係瑞典第2個睇極光既好城市,好似有得滑雪,另外今晚kp有4!!! 咁起身落雪,一早去超市買早餐同睇下有冇手信買,另外重要買感冒藥,最後買到類似必利痛既功效藥黎食,我都係google 睇藥既資料 琴晚應該好大雪 個包好貴,但係又幾好食,重點係熱呀,食完好想再食野,另外夾左d沙津做lunch 依到咁多反而先$50鬆d,之後就行去執野出發去火車站,我岩岩到架車就黎左 黃色係車站. 咁好似係3卡車,隔離又係冇人坐,長期冇咩旅客 咁好快就到左kiruna,點解要黎依到,因為最近機場就係依到,我要飛去斯德哥爾摩轉機去芬蘭 所以行程係千百萬化,如果比我簡多次,我會黎kiruna,然後報極光團去abisko睇極光,但咁又去唔到挪威,所以真係要自己睇時間同金錢 周圍風景一樣咁靚,但就行得太快影唔到比大家睇了 轉眼就黎到kiruna,一落車就會有架巴士去市中心,咁免費既,坐大約6分鐘就到,但你簡雪地行,隨時要30分鐘 真係好近,黎唔切影巴士,只好影番架火車表示距離 架車又係超少人 咁今晚住既叫SPiS Hotel & Hostel 6人床位,最後都係3個人訓$231蚊晚,冇記錯附近有間3xx就有單人房添,不過冇咁市中心 個廚房超專業,去咁多次旅行廚所最專業係今次 咁依到好細,有個旅遊服務處咁既野比你報團,咁kp有4,但下個天全白色,一睇就知冇可能有野睇,所以都唔考慮,何況聽晚就走 咁放低野又係附近行去,其實好細,但有間超大淨賣酒既鋪頭,可惜我又唔飲,依到咁細都係有HM,咁3點到就去左商場Cafe Oscar 食件CAKE 冇咩特別,係有得hea下,印象中都係3-40蚊,同囉佢d水飲,北歐基本都係比水喉水你飲,但對我黎講有得簡都唔想飲 所以 我優先煲水>買水>水喉水>買超貴水 咁之後去左間超市買,要行600米,依個我就唔多講 咁同房有個架佬,一見到佢,佢就走黎yo我,自我介紹自己,話住一個星期,有咩唔明可以問佢,同佢吹下水咁,幾有禮貌,我又話好鍾意日本,佢勁開心,好似黎自北海嶵道唔知邊,所以唔怕凍 點擊圖片放大 +2 周圍行,有間鋪有d咁既野賣,仲有大陸維他檸檬茶,搞笑 之後夜晚去左地圖上既壽司鋪食野 一入去有個類似日本人係到玩手機,之後見到我o左咀,好似毫然有人黎食咁,我都驚驚地,之後睇佢地係簡件數多,有圖睇既 依set好似$150鬆d,真心好一般,同爭鮮差唔多,但佢係即場整,握飯,都算有心機 因為附近又係得pizza,又唔想自己煮自己洗 之後就番去訓教了 朝早食琴日係超市買既包,上邊金槍魚罐頭咸到仆街,我又扔左,青蘋果汁就我之前話幾好飲,$1x 好抵飲,又平過水 之後就去搭巴士,好似地圖上左下咁,記住係對面線 等巴士個位對面係依到 果日係超大雪,我行去差唔多用左15-20分鐘,正常5分鐘都唔洗,去到有個人用普通話yo我,問我邊到人,之後話好開心有人陪,北京黎歐遊,係其他國家玩過黎,話唔知係唔係走左架車,咁架巴士多數係飛機開前2個鐘到先會有,之後傾計我問佢咁多個國家,有冇咩特色野飲好食 佢好認真話:說真,真的沒有 我聽到真係笑出聲,佢都係黎追極光,好似話琴日係abisko 睇到,用華為 個夜景定星光模式影,都好清楚 之後見到有其他人黎等車我地先冇咁驚,不過就算miss左車,都有的士,好似$400到,佢本身係咁問我坐唔坐添 巴士就要$110 上車比卡/現金,坐20分鐘到 去到機場就要自助check in,再自己寄行李,唔識都有人幫你,之後我發覺原來我地錯名,果刻都幾淆,之後都唔理了,照入,點知去到芬蘭都係全自助,冇人check 機場好細架咋 叫左個野食,有幾款沙津任囉,但我囉左小小,依到好似要$125,一般般 33座位,架機其實幾爆,但我果排又係冇人,我係坐頭5排仲要 飛55分鐘都有野食 係芝士雞肉卷,仲要幾好食,所以我都浪費左唔少錢係機場 咁落機就要等2個鐘到轉機,個北京人就同我講byebye,佢有係車問我囉wechat,我好少用,冇比佢,因為多數完左旅程,大家都唔會再點聯絡,但分離果刻都幾sad,意味依一世都唔會再見到, 另外仲有1男1女意大利組合 由abisko識,又係依到同佢講bye bye,其實撞到佢地至少3-4次,不過冇點提,雖然傾既野都借好普通,都係之後去邊你做d咩之類,但講bye bye果下真係幾sad,不過依d都係旅程難得既經歷,跟團同 同朋友黎係唔會體驗到 點擊圖片放大 +3 斯德哥爾摩機場超靚,平過d野貴到pk,一個三文治係市區2倍,要150以上 咁轉機要再安檢多一次,之後就等飛 咁下一站就係芬蘭同塔林,冇記錯去到依到只係用左13000鬆d(己包機票住宿),因為真係冇咩野值得洗錢,所以最後一站用多番小小