咁去到中央火車站,聽日就會係到坐火車上abisko睇極光,斯德哥爾摩天氣又凍多幾度,又落雨 咁我就行去住宿hostel 點擊圖片放大 係6人床位黎,但由於比我感覺太唔好,冇禮貌,所以唔推介比大家 我放低野都5點幾,天黑晒,就去食最出名既魚湯 叫Kajsas fisk,咁果到有幾多餐廳,海鮮呀咁 點擊圖片放大 +2 $120瑞典錢,係門口落單搵位坐,之後出邊有d麵包沙律囉,好一般,唔好囉太多,全自助既,囉水囉餐具果d 個湯好多料,類似羅宋湯咁,值得一試,不過店員又係態度一般,成個城市接觸到既人都係麻麻地 點擊圖片放大 個市場都幾多野睇,一到食飯時間好多人好逼,同冇咩位坐本身 之後就係附近商場行下,但係都係大品牌,同埋勁多自家品牌HM 因為比起丹麥佢冇咁多野行,我就唔多介紹,而且外國既碼數,同我地真係差好遠,細粒小小既都可以去買童裝,童裝又平d 咁番去hostel之前行埋依間超市,係依棟百貨公司,裹邊最頂有無印添,另外瑞典鋪頭好多係賣家品野,幾悶下對我地黎講 就係依間,落一層真係 到第2日我7-8點就起身,去左中央車站搵LOCKER放低野先,跟佢指示做就得 到時囉按番9個NO.就OK 大係咁既SIZE 我就簡大90瑞典幣,可接受啦,如果大家住果到比你放行李就唔洗搞咁多野 由於太早我就落左中央車站下邊有D麵包賣 咁右邊果個類似蛋黃,OK幾好食,左邊果隻大家見到就唔建議買啦,隻味好難頂,我食左一啖就車左,聽聞依類包仲好出名,支水又係有汽既,中伏,見佢平平地先買,總之平野9成都係有汽既水 之後就打算去瓦薩沉船博物館,又係好出名既,我覺得真係值得一黎,由於太早我就行過去算,大家自己決定,周圍影下相咁 點擊圖片放大 +7 廁所要$10次,最好忍到博物館開大家 不過咁岩落雨,都幾凍 轉眼就等到佢十點,都好多人等緊,同埋會有D旅遊團,由於我冇買PASS,要比$150瑞典幣 博物館講咩呢,就係一隻超級大既古時戰艦放係你面前,真係好震撼 咁有中文繁體介紹,我都好有心機睇耐D,咁大約HEA到一個鐘 隔離仲有個北歐博物館,有4層,主要係睇D舊時北歐既歷史發展,同展品,類似香港歷史博物館,要$150,老實講都幾悶下,比我簡多次唔會入去睇 北歐博物館 之後出番去市中心去搵野食,點知人地放飯,周圍都勁多人,去左MAX食漢堡包 由於小弟英文差,佢有機比你篤黎自助買就最好,我盲加左錢轉洋蔥圈,但太厚粉 連野飲要$110,都幾貴下,但都想試下香港食唔到既野 食飽就去行依個舊區睇下野咁,咁有個諾貝爾獎博物館係到,好似星期二係免費,咁岩我星期三去,所以廢事比錢入去,因為都唔會睇得明,聽聞有個雪糕好出名,大家可以去試下 咁依區就多好多遊客同手信鋪,但我自己就買唔落手 之後去左間cafe hea 大約$40,咁依到自己夾完野食就去收銀比錢,搵位坐 ,當地好多cafe都係自動波架啦 咁由於我要坐夜間火車去ABISKO睇極光,咁早D去超市買定夜食再去火車站等,因為我真係好怕有咩閃失,寧願睇少D,安全至上 咁順住上圖,我車NO.係94, 12卡 22號床位 3床位, 最下格 我一出就買,590瑞典幣到,越遲越貴 咁大約要坐16個鐘唔洗轉車,有一班就要轉,大家買果時睇清楚,網上都好多攻略,我唔多講,唔明可以再問我 由於火車路線尾站唔係abisko,依個係尾2,所以睇番18:11分到站 係最準 ,唔肯定可以去SJ國鐵服務 心問人,我次次都去問,怕出錯 依個係3人訓既車卡,中間有床拉出黎,有洗手,有差電 點擊圖片放大 上邊係公用沖涼房,比想像中好乾淨,一卡車得一間,早沖早著數,係水壓渣d,但火車黎講算係咁,6人房就冇得沖涼既 係斯德哥爾摩買既頹飯,自己夾餸,份量唔多$5x 咁最後有個鬼佬同我同卡,佢訓最上 點解我會簡火車呢,由於冇飛機到,要再轉火車/包車,咁聽聞火車景色又係超靚,所以就試下 咁由於好快網絡收得唔好,就好早訓教 咁半夜一路我都有醒,去下廁所咁,因為真係訓唔著,唔係唔好訓,係好期待,慢慢向北駛上進入北極圈,意味溫度慢慢下降,開始有雪,植物變靚,開始荒蕪,超靚真係 咁一朝早就去卡車食早餐 價錢接受到啦 然後一路睇下風景,最後淨番係abisko落車既人係得十幾個 咁我介紹下點解會係abisko睇,佢係全世界咁多個睇極光既地方黎講,成功率係最高,冇光害,行去湖邊亦只係15分鐘多d,同埋黎得依d地方,邊有人想同人逼,緊係想靜下,依到好岩我 另外坐車去西邊即係火車總站Narvik,依個係挪威一個出名既小鎮,都係二個鐘頭到,可以去埋挪威wo,所以最後簡左依到 一落車我應該想大叫出黎,因為我期待左黎一到足足弓年,依刻真係好開心,好有滿足感 咁正常3點先入住,但到步先11點佢就比我check in,依樣要讚 咁鎮上得1間超市 4間住宿,我簡最平果間,一約$500一晚,你1個住定2個住都係比一間獨立房你,有公共廚房同廁所,數量好多唔洗爭廁所用 大約咁樣行的我要住既 guesthouse 然後我就起超市買野食番黎煮 咁之後見到組合有2個泰國女仔,4個印尼女仔,1男1女意一利組合咁,佢地都好好人 咁check in有張地圖比你,係附近位置同國家公園既位置,我行到一半頂唔順番轉頭,係雪地著晒裝備行都幾辛苦 點擊圖片放大 大大個雪山,天氣好好既風景就一定冇得輸 點擊圖片放大 咁依幾張就係住宿行去湖既景色 咁之後番去hea下 等夜晚出去追極光 晚餐整左個湯飲,太耐冇熱野落肚,超市d食材好平 幾抵玩 特別係魚子醬,未食過 又見$3x港紙就買黎試下,但其實咸 去到夜晚我就一個人來來回回走去湖邊睇下有冇極光 咁我介紹兩個實用apps比大家 第一個叫Aurora,第一頁順住係平均KP,KP係一個參考1-9 越高係越好,咁平均2以上就睇到,5就係大爆發 咁有個google map禁入去就見到極光既範圍,綠色就陽到,再深色就仲強 點擊圖片放大 第2頁 1.果個係你睇到既機率,2係雲既百份比,越少零就越好,即係越低 依個就係平均kp走勢 第2個appa係Aurora Monitor ,睇到未來幾日平均既KP 咁番番黎,我第一日都係長期2,一開始夜晚7,8點 全部都係星星,真係超多 ,至少過百粒,仲有粒超大既月亮,但有月亮又唔係好事,因為都係光害既一種,咁見唔到我就番左去休息,第2次出去就星都見唔到,我就放棄左了,番去訓教,因為我叫有幾日係北極圈,所以唔急 到第2日就凍親感冒,又食晒必利痛,去超市買藥食,佢有櫃鎖住,要問佢先囉比我 咁第2日都係 hea下,係超市 試下唔同野食 海鮮湯,好似$40-50到 去到後期除左歐羅,我都係當佢地1:1港紙咁,因為差唔遠 依個就叮既,上邊我開爐整熱,下邊一睇就知伏 不過我不入地獄 ,誰入地獄呢 咁因為幾悶下,我就報左一個由台灣人搞既極光攝影團 3個鐘 1195瑞典=970hk 到,佢話渣車帶你去,借相機同教你影 果日天氣其實超差,雲既百份比係100%,咁大後日我見kp有4 打算到時係其他地方報團,但佢地貴d 同埋多數最後都係渣番車黎abisko 睇極光 咁我不如係到報算啦,同埋始終好悶,抱住識下朋友心態去報,錢都事少 咁我上佢官網比左錢,佢會email資料比你,佢都有whatappss,我一比完錢就whatapps問佢 佢話8點 超市門口集合 咁店灣攝影師 8點佢就接左我先,之後話要再接4個香港人,我即刻好開心,同佢講話可以唔洗咁多普通話 因為揾得佢多數係香港/普通話既人,依一個組合係4位係中年女士 咁出發我坐車頭,成個天都好多雲,又少星,仲要係滿月又圓又光,因為月亮都係光害之一,心諗都不妙,但攝影師又話有問題,靠經驗架麻,沿途都係講下香港名台灣點點點 之後渣車去挪威方向5-10分鐘到,去左一個有石灘既湖邊,落車囉相機腳架,佢幫你較晒野,廣角光圈,15秒快門,1600iso,基本我只需要禁影相,較下角度同時間就冇野整 咁佢教影第一張果時有團友大叫:嘩,真係有極光呀,我心諗(係唔能係呀),琴日天氣咁好影唔到,依家會影到,咁我逼埋去睇,又真係有wo 同攝影師既合照,好好人 由於自拍要有人打燈,都係攝影師幫我,咁後期天氣好好,極光用肉眼望到佢一條咁 咁有時就有二條走出黎 之後就轉場,去其他地方影,係一個湖邊 可以影到小小倒影,咁D雲都冇得7788 之後極光都偏弱,所以好快又轉場,咁期間都會比D餅呀,熱茶暖下身 去到第3個地方係一個平地黎,幾空礦,亦都開始好強,肉眼睇到超淺既淺綠色,咁係咁影呀影 咁8點上車,11點走,一走又大爆發,又落車影左5分鐘 點擊圖片放大 +2 最後真係要走啦,咁渣車果時一路望到出邊係好勁既勁光,咁果時因為冇光害,出邊係好黑,但係又有月亮,個畫面係好神奇,形容唔到又拍唔到比大家知,好似去左第2個星球咁 咁走果時就比左張證書,名信片同卡片我地,之後落車入屋前真係大爆發,肉眼睇到一團野咁郁,咁我就用數碼相機影,但我部野只得4秒快門 點擊圖片放大 由於好緊張,太心急,又冇腳架,因為真係好強,但又郁得好快,30秒就黑晒,真係好神奇 最後小小分享,睇極光應該係唔少人既目標,亦係我由細到大既心願,以前覺得要用好多錢好難,好遠,發左達先去啦,點知依一刻就完成個心願,真係好滿足 咁團我就覺得值得報,佢會帶你去唔同地方,不過我睇過唔小遊記話係睇唔到,曬錢,咁大家自行考慮,第2日再報會平小小,但冇得回水 點擊圖片放大 另外會送名信片,證書,書簽,同卡片一張 咁係abisko第3日,我就會坐火車去挪威既 那維克,朝早又去湖邊行下 點擊圖片放大 天氣係超清,亦冇晒第一日果陣霧 11點check out,買左個沙津食,可以係住宿果到hea,佢個景真係世界級(張相係第一日) 我本身我係搭16:xx幾既火車,前一晚真係覺得太悶,坐早個幾鐘一班車,要5x蚊 咁係月台等啦,咁我本身見佢都奇怪,點解話係巴士,明明係sj國鐵,鐵路網黎變左巴士,咁我 咁我本身係中間果班車,之後買早一班,點知睇時間真係黎左間大巴,即刻係月台跑番落去上車,咁見個目地的岩就上左車,佢冇睇我車飛,其他火車就會睇 咁瑞典就告一斷落,會入挪威既 那維克